अख्तियार दुरुपयोग अनुसन्धान आयोगले उपसचिवसहित तीन विरुद्ध भ्रष्टाचार मुद्धा दायर गरेको छ । अख्तियारले सोमबार रौतहटको ​ईशनाथ नगरपालिकाका तत्कालीन प्रमुख प्रशासकीय अधिकृत किशोर गुप्तासहित ३ जनालाई प्रतिवादी बनाउँदै विशेष अदालतमा मुद्धा चलाएको हो । आयोगले प्रमुख प्रशासकीय अधिकृतसहित तत्कालीन इन्जिनियर सत्यपाल सौरभ र विद्यालयका प्रधानाध्यापक मुहमद समिम अख्तरविरुद्ध पनि मुद्दा दायर गरेको छ ।

बिज्ञापन

आधारभूत विद्यालय लक्ष्मीनियाको २ कोठे पक्की भवन निर्माण गर्दा गुप्ताले २ लाख ३५ हजार ८९५ रुपैयाँ अनियमितता गरेको मागदावीसहित अख्तियारले विशेषमा मुद्धा चलाएको छ । यस्तै सोही भवन निर्माण गर्दा इन्जिनियर सौरभविरुद्ध ८६ हजार ६४७ रुपैयाँ र प्रधानाध्यापक अख्तरविरुद्ध ३ लाख ३ हजार ७९७ रुपैयाँ बिगो कायम गरी कैद र बिगो बमोजिमको जरिवानाको मागदाबी गरेको छ ।