मानव तस्करीको एउटा गतिलो माध्यम बनेको छ ‘भिजिट भिसा’ । सेटिङ्गमा भिजिट भिसामा सर्वसाधारणलाई विदेश पठाइएको र मानव तस्करी गरेको आरोपमा केही समयअघि त्रिभुवन अन्तर्राष्ट्रिय विमानस्थलको अध्यागमन कार्यालयका केही अधिकृत र ट्राभल एजेन्सीका सञ्चालकहरु पक्राउ परेपछि यो तथ्य सतहमा आएको हो । पक्राउ परेकाहरुविरुद्ध अदालतमा मुद्दा चलिरहेको छ । प्रहरी स्रोतका अनुसार मानव तस्करीका नाइकेहरु भने उम्किएका छन् । अध्यागमनमा एकसय ४० जना कर्मचारी कार्यरत छन् । जसमध्ये झण्डै एक दर्जनको मानव तस्करी चलाउने ट्राभल एजेन्सीसँग सम्पर्क हुने गरेको बताइन्छ ।
बिज्ञापन
प्रहरीले कार्यालयमा कार्यरत अधिकृतहरु नरवीर खड्कालगायत २२ जनाविरुद्ध मुद्दा दायर गरेको छ । भिजिट भिसामा पठाउन दुई लाख रुपैयाँ बुझिसकेको अवस्थामा पक्राउ परेका अधिकृत खड्काबाहेक सबै फरार छन् । यही प्रकरणमा फरार रहेकाहरु अष्ट्रलिया र हङकङतिर भागिसकेको बताइन्छ ।तर अध्यागमनका कर्मचारीहरुले अझैं चेत फिरेको छैन । खड्काले प्रहरीले अध्यागमनमा घुस उठाउन सहजीकरण समिति नै रहेको बयान दिएका थिए । उनका अनुसार त्रिभुवन विमानस्थल अध्यागमनमा खटिएका अधिकृतहरुले औसतमा प्रतिदिन ४५ हजारसम्म आम्दानी गर्ने गरेको तथ्य प्रकाशमा आएको छ । यसरी कीर्त काम गरे वापत एक जना अधिकृतको भागमा दैनिक ४५ हजारसम्म अतिरिक्त रकम पर्ने गरेका खड्काले प्रहरीलाई बयान दिएका हुन । यही प्रकरणमा डामिएर अदालतबाट पक्राउ पूर्जी जारी भएका ८ अधिकृत फरार छन् । जसमा एक अष्ट्रेलिया र अर्को हङकङ पुगेको अनुसन्धान अधिकारीहरुले जनाएका छन् । यसरी भाग्ने अधिकृतहरुमा ताराबहादुर कुँवर, कुशल बराल, शैलेन्द्र ढकाल, विमल पौडेल, विष्णु अर्याल, विकास डंगोल, पिताम्बर रिमाल, ताराबहादुर कुँवर र सुजन फागो रहेका थिए ।
बिज्ञापन
यसैबीच त्रिवि अध्यागमनमा यस्तो धन्दा अझैं नरोकिएको तथ्य सहित गृहमा उजुरी पुगेको छ । अध्यागमनका रात्री डेस्कमा कार्यरत केही अधिकृतहरुको मिलेमतोमा झण्डै ५ सय युवायुवतीलाई त्यसरी विदेश पठाइएको उजुरी गृहमा पुगेको छ । यस्मा केही अधिकृत,उपसचिवको नाम नाम पोलिएको छ । यो टोलीले सहजीकरण समिति बनाएरै घुस उठाइरहेको उजुरीमा उल्लेख गरिएको छ ।
गृह मन्त्रालयले तयार पारेको ६ बुँदे मापदण्ड लाई लत्याउँदै अध्यागमन कार्यविधि को दफा ३,३ (१) को गलत व्याख्या गरी यात्रुहरूलाई अनावश्यक हैरानी र दुख दिने र यात्रुहरूले बुकिङ डटकम बाट गरेको होटेल बुकिङ लाई समेत अध्यागमन अधिकृतले चेक गर्ने बहानामा क्यान्सिल गरिदिएर होटेल बुकिङ छैन भनी मापदण्ड पुगेन भनेर फर्काउने गरेको यात्रुहरूले गुनासो गरेका छन् । यस्तो कार्यमा हाल रात्रि समूह बेटा समूहका तीन जना अधिकृतको नाम पोलिएको छ भने यो प्रकरणमा ४ जना उपसचिवहरुले सहजीकरण गरिरहेको उजुरी गृहमा पुगेको छ ।यो समूहले घुस वापत रकम बुझाउनेलाई सहजै अनुमति दिने र रकम नदिनेलाई रोक्ने गरेको उजुरीमा उल्लेख छ । सहजीकरण समितिले प्रमुख अध्यागमन अधिकृत गोगन हमाललाई समेत प्रलोभनमा पारी सेटिङलाई स्थांगत गर्ने प्रयास गरिरहेको व्यहोरा उल्लेख गरिएको छ ।
बिज्ञापन
अध्यागमनकै कर्मचारीबाट गृहमा पठाइएको उजुरीमा यही फागुन १३ देखि १६ गतेसम्मको रात्रि समूहबाट ५०० युवा युवतिलाई विलदेश पठाउँदा लेनदेन भएको आरोप लगाइएको छ । लेनदेन भिलेका पाँच् सय हाराहारीलाई अनुमति दिइएको र रकमको कुरा नमिलेको एक सयभन्दा बढीले प्रस्थान अनुमति नपाएको उजुरीमा उल्लेख छ । यसले गृह मन्त्रालयले बनाएको मापदण्ड ले कर्मचारिको सेटिङलाई केही छुदैन भन्ने प्रष्ट पारेको छ । अध्यागनमा कार्यरत कर्मचारीहरु हेर्ने हो अधिकांश विवादित र दोह्रोर्याई,तेह्रेयाएर पुगेका देखिन्छन्,ती पनि विवादित पृष्टभूमिका । यस्ले गृह मन्त्रालयले कर्मचारी व्यवस्थापन सम्बन्धमा बनाएको मापदण्ड निम्सरा कर्मचारीका लागि मात्र रहेछ भन्ने प्रष्ट पारेको बताइन्छ ।
