अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एन्ड फ्रड कन्ट्रोल सिस्टम अर्थात् टेरामक्स सम्बन्धी मुद्दा छिट्टै विशेष अदालतमा लैजाने जनाएको छ । अख्तियारले यो प्रकरणमा स्वास्थ्यमन्त्री मोहनबहादुर बस्नेत, पूर्व मन्त्री ज्ञानेन्द्र बहादुर कार्कीका अलवा मुख्यसचिव डा बैकुण्ठप्रसाद अर्याल, सामान्य प्रशासन सचिव विनोदप्रकाश सिंहलगायतका उच्च अधिकारीहरुसँग बयान लिइसकेर मुद्धा अगाडि लैजान लागेको हो । मंगलबार लेखा समितिमा उपस्थित भएर अख्तियार प्रमुख आयुक्त प्रेम राईले टेरामक्स घोटालाको अनुसन्धान अन्तिम चरणमा पुगेको प्रस्ट पारेका हुन् । उनले यो प्रकरणमा जोडिएकाहरुको बयान लिने काम सकिएको उनले समितिलाई जानकारी गराए ।

राईले सुरक्षण मुद्रण केन्द्रअन्तर्गत सेक्युरिटी प्रेस खरिद योजनाको टेप प्रकरणको पनि आयोगले अनुसन्धान गरिरहेको जनाएका छन् ।