सरकारी कर्मचारीहरुले आगामी बर्ष ८८ दिन सार्वजनिक बिदा पाउने भएका छन् । गृह मन्त्रालयले आगामी बर्षको सरकारी तथा सार्वजनिक विदाको सूचना राजपत्रमा प्रकाशित गरेर आगामी बर्षको पर्व तथा सार्वजनिक बिदाको जानकारी दिएको छ । सो सूचना अनुसार आगामी बर्ष शनिवार विदा ५३ दिन परेको छ ।
बिज्ञापन
यस्तै,यस्तै ३५ दिन सार्वजनिक बिदा दिने भएको छ । जसअनुसार २७ दिन पर्व बिदा परेको छ । ६ वटा दिवस बिदा र २ वटा जन्मजयन्ती बिदा समेत छ ।
बिज्ञापन
पर्व बिदामा वैशाख १,रामनवमीको अवसरमा ५ वैशाखमा सार्वजनिक बिदा दिइएको छ ।
वैशाख पूर्णिमाको अवसरमा वैशाख १० गते सार्वजनिक बिदा दिइएको छ । यस्तै,भदौं ३ गते रक्षाबन्धन,भदौं १० गते श्रीकृष्णजन्माष्टमी पर्वको अवसरमा पर्व बिदा दिइएको छ । घटस्थापना १७ असोजमा परेको छ र सो दिन सार्वजनिक बिदा दिइएको छ । असोज २४ गतेदेखि दशैं बिदा दिइएको छ असोज २८ सोमबारसम्म दशैं पर्वको बिदा दिइएको उल्लेख छ ।
बिज्ञापन
यस्तै,तिहार पर्वको अवसरमा १५ कार्तिकदेखि १९ गतेसम्म बिदा हुनेछ । कार्तिक २२ छठपर्व,क्रिसमस डे पुस १०,३० मंसिर धान्य पूर्णिमा,१५ पुस तमु ल्होसार,माघे संक्रान्ति,१७ माघ सोनम ल्होसार,१४ फागुन महाशिवरात्री पर्वको अवसरमा बिदा हुनेछ । आगामी वर्ष पृथ्वी जयन्ती र सहिद दिवसमा सार्वजनिक विदा थप गरिएको गृह मन्त्रालयले जनाएको छ । आगामी २०८१ साल मुलुकभर दिइने सार्वजनिक बिदामा वैशाख १ गते नयाँ वर्ष, वैशाख ५ गते रामनवमी, वैशाख १९ गते विश्व मजदुर दिवस, जेठ १० गते बुद्ध पूर्णिमाको दिन सार्वजनिक बिदा घोषणा गरिएको छ ।
जेठ १५ गते गणतन्त्र दिवसको दिन सदाझै बिदा दिइएको छ ।
