उच्च र विभिन्न जिल्लाका एक दर्जन न्यायाधीशको सरुवा भएको छ । न्याय परिषद्को आज बसेको बैठकले उच्च अदालतका तीन र विभिन्न जिल्ला अदालतका नौ गरी १२ जना न्यायाधीशको काज सरुवा गरेको बताइएको छ ।
बिज्ञापन
प्राप्त विवरणअनुसार उच्च अदालतका न्यायाधीशहरुमध्ये रामेश्वर रेग्मी सुर्खेतबाट पाटन सरुवा भएका छन् । त्यस्तै, काजीबहादुर राई सुर्खेतबाट विराटनगर र विष्णुप्रसाद अर्याललाई तुलसीपुर, बुटवल इजलासबाट तुलसीपुर पुर्याइएको छ ।
बिज्ञापन
जिल्ला अदालतका न्यायाधीशहरुमध्ये ऋषिराम आचार्य कास्कीबाट ललितपुर सरुवा भएका छन् । हरिप्रसाद कोइराला सुनसरीबाट कास्की, अवनी मैनाली भट्टराई कास्कीबाट मकवानपुर र प्रमेश पोखरेललाई तेह्रथुमबाट पर्सा लगिएको छ ।
तेजबहादुर खड्कालाई रौतहटबाट झापा र भीमबहादुर निरौलालाई झापाबाट तेह्रथुम पठाइएको छ । त्यसैगरी, दयाराम ढकाल डडेलधुराबाट चितवन, बाबुराम सुवेदी नवलपुरबाट मोरङ र कुलप्रसाद पाण्डे दाङबाट नवलपुर सरुवामा परेका छन् ।
बिज्ञापन
