जीवनका साढे दुई दशक समय हवाइ उड्डयनकै क्षेत्रमा व्यतित गरेका योगराज कँडेललाई ‘हेलिकप्टर म्यान’ भन्दा फरक नपर्ला । २०५६ बाट कस्मिक एयरबाट जागिर प्रारम्भ गरेर यो क्षेत्रमा पाइला राखेका उनले पाँच वटा हवाई कम्पनीमा काम गरिसकेका छन् । कतै जागिरे,त कहिँ शेयर होल्डर भएर । बिएससी, एमबीए र राजनीतिक शास्त्रमा स्नातकोत्तर गरेका उनले कस्मिकमा १० महिना काम गरेपछि अमेरिका पुगे । त्यहाँ फेडेरल एभियसन एडमिनिस्ट्रेशनबाट ग्राजुयट भए, त्यसपछि उनको मन त्यतै अडिएन । नेपाल फर्किएर हवाई क्षेत्रमा केही गर्ने उदेश्य बोकेर स्वदेश फर्किए ।
बिज्ञापन
दुई बर्ष स्पेस एयरमा काम गरेपछि क्याप्टेन रामेश्वर थापासँग मिलेर सिम्रिक एयर स्थापना गरे । सिम्रिकमा केही लगानीसहित उनले व्यवस्थापनको नेतृत्व लिए । हेलिकप्टर सोसाइटीको पूर्व महासचिवसमेत चलाइसकेका उनले पछि आफ्नै लगानीमा हेली एभरेष्ट कम्पनी सञ्चालन गरे २०१७ मा । बीचमा यूटर्न भए र कलेजतिर जोडिए नामी कलेजलाई बजारमा ‘दामी’ कलेजका रुपमा स्थापित गराउन सफल कँडेल अहिले पनि सो कलेजको वोर्डमा छन् । विगत केही बर्षदेखि गुण एयरको सिइओको कुर्सीमा छन् । बन्द रहेको उक्त एयरलाइजसले आगामी असोजदेखि व्यवसायिक उडान थाल्ने उनी बताउँछन् । नेपालको इतिहासमा गुण एयरलायन्सको मात्र अहिलेसम्म कुनै दुर्घटना भएको छैन । अब दशैंसम्ममा तीन वटा जहाजबाट व्यवसायीक उडान थाल्ने उनी बताउँछन् । त्यसका लागि यस अघि यति एयरलाइन्ससँग किनिएको तीन वटा जेट स्टिङ्ग बेच्ने तयारी भइहरेको योगराज बताउँछन् । अहिले डकुमेन्टेसनको काम मन्त्रालयमा भइरहेको छ । एपु्रभल आउनासाथ अगाडि बढ्ने उनी सुनाउँछन् ।
बिज्ञापन
नेपाल आएर व्यवसाय सुरु गरेको दुई दशकको यो यात्रामा उनी पछुताउनुपरेको छैन । अमेरिका छाडेकै कारण उनी समाजका धेरै मानिसका नजरमा मूर्ख ठहरिए ।कँडेललाई विदेशमा सुरक्षित मानिएका एयर क्राफ्टहरु नियमित नेपाली आकाशमा किन दुर्घटना भइरहेको छ भन्ने जिज्ञासामा उनी स्टक होल्डर भनिएका पर्यटन मन्त्रालय,क्यान र हवाई व्यवसायीको सामञ्जस्यता नहुनु नै मुख्य कारण देख्छन् । यस्का अलवा हरेक जसो दुर्घटना पछि अनुसन्धान गर्ने निकायले अनुसन्धान गर्दछ ।
अर्काेतिर प्राविधिकहरु जो पढ्न जान्छन्,यही बिषयमा पढेका हुन्छन् । उनीहरुमाथि नागरिक उड्डयन प्राधिकरणदेखि एयरलायन्ससम्मले लाखौं खर्च गर्दछ । पढ्ने,सिक्ने कुरामा कहिँ कतै समस्या देख्छन् । यस्तै पोखरा,काठमाडौंजस्तो अन्तराष्ट्रिय विमानस्थलमा भएका दुर्घटनाका घटनाले रुट कज एनलाइसिस गर्ने बाध्य बनाएको बताउँछन् ।
बिज्ञापन
