‘पाप’ भन्ने कतै हुन्छ र ‘कराउँछ’ भने त्यसलाई लागिहालोस् भन्दै भक्तपुरकी रिता अहिले पनि दिनदिनै सुँक्सुँकाइरहेकी छन् । उनीमात्र हैन, एउटा मान्छेको जिद्धिमा अरुले पनि ज्यान गुमाए र तिनका परिवार ‘भगवान’ सँग भन्दैछन्, ‘उसलाई पनि त्यसरी नै लैजाऊ
बिज्ञापन
‘पाँच सय मुद्दा लान्छु, भ्रष्टाचारीलाई ठेगान लगाउँछु’ भन्दै अख्तियारका तत्कालिन प्रमुख आयुक्त नवीन घिमिरेले विशेष अदालतमा सयौं मुद्दामात्रै लगेनन् । कतिपय हावादारी उजुरी नकेलाइदिँदा धेरैका घरमा आज पनि आँशुको धारा रोकिएका छैनन् । यसमध्ये एक हजार रूपैयाँ घुस खाएबापत ४२ दिन प्रहरी हिरासतमा थुनिएका कलंकी मालपोतका खरिदार रामहरि सुवेदीले आत्महत्या गरे । पाँच सय मुद्दा पु¥याउने नाममा रामहरिको मात्रै प्राण गएन, नवीनलाई ‘तपाईं दुई सय वर्ष बाँच्नुस्’ भन्दै उदयपुरका हरि आचार्यले पनि मृत्यु रोज्न पुगे ।
बिज्ञापन
कलंकी मालपोतमै कार्यरत रहँदा हरि आचार्य भ्रष्टाचार मुद्दामा परे । अनाहक अख्तियारले दुःख दिएको पीडामा दुई पृष्ठ लामो ‘सुसाइड नोट’ लेखे । उनको शव उदयपुरको त्रियुगा नगरपालिका–९, रातमाटेस्थित शिखरकट्टेको जंगलमा भेटियो । यसरी नै ज्यान फाल्न बाध्य पारिए, पूर्वनासु युक्तप्रसाद श्रेष्ठ । बालुवाटारस्थित बहुचर्चित ललिता निवास प्रकरणमा मुछिएका उनी ०५८ सालताका डिल्लीबजार मालपोतमा थिए । त्यही नाममा उनलाई मुद्दामा मुछियो । फलतः माछापोखरीस्थित हिमालय सिटी सपिङ सेन्टरको आठौं तलाबाट हामफालेर प्राण त्यागे ।
यसरी अख्तियारले मुद्धा चलाएपछि दिनेशचन्द्र प्याकुरेल पूर्वसचिव,नासु केदारनाथ ढुंगाना, प्रेमलाल चौधरी र सानु बन,रामबहादुर पाण्डे,
युक्तप्रसाद श्रेष्ठ र हरिप्रसाद आचार्यहरुले आत्महत्याको बाटो रोजेका छन् ।
बिज्ञापन
हालैमात्र अख्तियारले मुद्धा चलाएर विशेषबाट भ्रष्टाचारी ठहर भएका उपसचिवले आत्महत्याको बाटो रोजे । सेक्युरिटी प्रिन्टिङ प्रेस खरिदमा दोषी ठहर भएका सिनियर डिभिजनल इन्जिनियर नवीनकुमार पोखरेल भक्तपुरको लोकन्थलीस्थित आफ्नो घरमा अस्ति मृत भेटिएका हुन् ।
अघिल्लो दिन अर्थात बुधबारमात्र विशेषले ६ महिना कैद र ५ करोड ८४ लाख ५५ हजार १ सय ५९ रुपैयाँ जरिवाना असुलको फैसला सुनाएको थियो। सुरक्षण मुद्रण केन्द्रका तत्कालीन कार्यकारी निर्देशक विकल पौडेलसहित चार जना दोषी ठहर भएका थिए । विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले फैसला गरेको थियो।
अख्तियारले २०८० वैशाख ३ गते विशेष अदालतमा मुद्दा दायर गरेको थियो । विशेषले यही जेठ ८ गते फैसला सुनाएको हो । निलम्बनमा परेका पोखरेल मुद्दा दायर गर्नुअघि वन तया वातावरण मन्त्रालयमा कार्यरत थिए । बोलपत्र ठेक्का सम्झौता तथा भुक्तानी प्रकरणमा सहभागी ९ जनामाथि अख्तियारले मुद्दा दायर गरेको थियो ।
अख्तियारले मुद्दाको संख्या पु¥याउने नाममा परेका उजुरीको राम्रोसँग छानवीन नगर्दा के हुन्छ भन्ने कुरा कतिपय माथिका घटनाक्रमले देखाउँछ । त्यसमाथि मुद्दाको पसल थापेर एउटा सामान्य मुद्दालाई वर्षौं तन्काउने, बजारभरि बिचौलिया छाडेर रकम असुली गर्ने नियतमा अदालत लागेपछि ज्यालादारी जिन्दगी गुजारेका मान्छेहरू के भए होलान् ? कल्पनामात्रै गर्न सकिन्छ ।
