आजदेखि तेश्रो लगानी सम्मेलन शुरु भएको छ । लगानी सम्मेलनमा २० वटा आयोजनाका लागि लगानीकर्ताबाट आशयपत्र आह्वान गरिएको छ ।
जसमा १० वटा जलविद्युत परियोजनाका लागि लगानीतकर्ताबाट आशयपत्र आह्वान गरिएको छ । एउटा प्रशासनिक प्लाजा,दुई वटा आर्थिक क्षेत्र, धुलिखेल मेडिसिटी परियोजना,सुदूरपश्चिम सार्वजनिक यातायात परियोजनादेखि द्रुतमार्ग, हेरिटेज होटल एण्ड कल्चरल भिलेजसम्मका परियोजना शोकेसमा राखिएको छ ।
बिज्ञापन
जसरी संघीय सरकारको मन्त्रालयहरु एकै ठाँउमा रहेझैं सरकारले विभिन्न विभागहरुलाई एकै ठाँउमा रहने गरी प्रशासनिक भवन निर्माणका लागि आशयपत्र आह्वान गरिएको छ । बबरमहलमा अवस्थित ६० रोपनी जग्गामा १८ तलाको आधुनिक भवन बनाउने योजना अगाडि बढाइएको हो । ३० हजार २१ वर्गमिटरमा फैलिएको ठाउँमा एउटै भवनभित्र केन्द्रीकृत सरकारी कार्यालयहरू हुनेछन्।
बिज्ञापन
ववरमहलमा अवस्थित वन विभाग,कर कार्यालय लगायतका सरकारी कार्यालयहरु रहेको उक्त स्थानमा प्रशासनिक भवन बनाउन खोजिएको र उक्त प्रशासनिक प्लाजामा नेपाल सरकारका केन्द्रीय स्तरका सबै विभागहरु राख्न खोजिएको छ । उक्त प्रशासनिक प्लाजामा आधुनिक पूर्वाधारसहित सम्मेलन कक्षहरू, बैठक हलहरूसहित प्रशासनिक सुविधाहरू हुने बताइएको छ । यसको अवधारणा पाँच बर्ष अगाडि नै अघि बढेको भए पनि लगानीको सुनिश्चितता हुन नसक्दा अलपत्र परेको थियो । एकातिर लगानी सुनिश्चितता अर्कोतिर रहेका सरकारी कार्यालयहरुलाई कहाँ लगेर राख्ने भन्ने अन्योलताका कारण अगाडि बढ्न सकेको थिएन । विदेशी लगानी भित्र्याएर १७ तलाको आधुनिक भवन बनाउने योजना अघि सारिएको हो त्यही कारण लगानी सम्मेलनमा यस्लाई शोकेस गरिएको छ । तीन वर्षमा निर्माण सम्पन्न गर्ने लक्ष्य राखिएको आयोजनामा १० अर्ब २० करोड रुपैयाँ लागत लाग्ने अनुमान गरिएको छ।
यस्तै,धुलिखेल मेडिसिटी परियोजनाको प्रस्तावित लागत रु ११ अर्ब रहेको छ । यस्तै सुदूरपश्चिम सार्वजनिक यातायात परियोजनाको प्रस्तावित लागत रु ३१ अर्ब १३ करोड रहेको छ ।
बिज्ञापन
दुई सय ८१ दशमलव ०४ मेगावाट उत्पादन क्षमताको नौमुरे बहुउद्देश्यीय परियोजना,एक हजार दुई सय १६ मेगावाट विद्युत् उत्पादन क्षमताको खिम्ती ठोसे शिवालय जलाशययुक्त जलविद्युत् आयोजनाको प्रस्तावित लागत अनुमान २ खर्ब ८९ अर्ब ७७ करोड बराबर रहेको छ। यस्तै हुम्ला कर्णाली जलविद्युत् आयोजनाको गत अनुमान रु १४ अर्ब ७० करोड बराबर गरिएको छ भने ५३ दशमलव ८५ मेगावाटको माथिल्लो चमेलिया जलविद्युत् आयोजनाको लागत रु ११ अर्ब ९० करोड बराबर छ।
पाँचखाल विशेष आर्थिक क्षेत्र परियोजनाको प्रस्तावित लगानी एक अर्ब ५७ करोड छ । यस्का अलवा ३० मेगावाट क्षमताको कवाडीखोला जलविद्युत् आयोजनाका लागि ६ अर्ब ४१ करोड बराबर लागत अनुमान गरिएको छ । कालीगण्डकी–२ जलाशययुक्त जलविद्युत् आयोजनाको कुल रु एक खर्ब ७४ अर्ब ७३ करोड बराबर लागत अनुमान गरिएको छ । यस्का अलवा ७७ दशमलव १ मेगावाटको भारबुङ जलाशययुक्त जलविद्युत् आयोजनाका लागि ८० अर्ब १२ करोड लागत अनुमान गरिएको छ ।
यस्तै ४० दशलमव २ मेगावाट क्षमताको तोम दोगर बुढीगण्डकी जलविद्युत् आयोजनाको कुल रु ८० अर्ब १२ करोड लागत अनुमान गरिएको छ । सुपपर बुढीगण्डकी जलविद्युत् आयोजनाका लागि ७ अर्ब ३४ करोड लागत अनुमान गरिएको छ।
यस्तै पोखरा अन्तराष्ट्रिय सम्मेलन केन्द्र तथा प्रदर्शनी केन्द्रका लागि ३ अर्ब अर्ब ७२ करोड लागत अनुकमान गरिएको छ ।
महादेव खोला जलाशय निर्माण,खानेपानी मन्त्रालयले अध्ययन गरेको यो परियोजनको अनुमानित लागत रु दुई अर्ब ४५ करोड छ । यस्तै कर्णाली चिसापानी वायुऊर्जा परियोजनाको लागि १४ अर्ब ७३ करोड लागत अनुमान गरिएको छ भने
चन्द्रागिरि–चित्लाङ–पालुङ–चितवन द्रुतमार्ग
जानकी हेरिटेज होटल एण्ड कल्चरल भिलेजका लागि २ अर्ब अर्ब ३५ करोड लागत अनुमान गरिएको छ । यस्तै धौवादी फलाम खानी उत्खनन आयोजनाका लागि ५१ अर्ब २५ करोड लागत अनुमान गरिएको छ । धौवादी फलाम खानी उत्खननका लागि सन् २०२३ मा सम्भाव्यता अध्ययन भइसकेको छ।
