भन्नलाई त भनियो गाउँगाउँमा सिंहदरवार तर सिंहदरबारको अधिकारमात्र होइन सिंहदरबारभित्र व्याप्त भ्रष्टाचार अहिले गाउँ गाउँमा सर्यो । यस्तै देखिन्छ अख्तियार दुरुपयोग अनुसन्धान आयोगको प्रतिवेदन केलाउँदा ।
बिज्ञापन
अख्तियारको पछिल्लो प्रतिवेदन अनुसार बर्षभरीमा त्यहाँ परेका ३६ हजार १८६ उजुरीमध्ये १९ हजार १०६ वटा उजुरी स्थानीय तह सँग सम्बन्धित रहेको छ । अर्थात यो आँकडाको आधारमा कुल भ्रष्टाचारमध्ये स्थानीय तहमा ५२ दशमलव ८० प्रतिशत हुने गरेको छ ।
बिज्ञापन
देशका ७५३ स्थानीय तहमध्ये १० वटा स्थानीय तहमा सबैभन्दा धेरै भ्रष्टाचार र अनियमितता हुने गरेको भन्दै उजुरी परेको छ । अख्तियारको प्रतिवेदन केलाउँदा पोखरा महानगरपालिकाका भए गरेका काम कारवाहीका बिषयलाई लिएर ३५९ वटा छन् । त्यहाँका मेयर छन्,धनराज आचार्य । दोश्रोमा मेयर बालेन साहले कमाण्ड गरिरहेको काठमाडौँ महानगरपालिकासँग सम्बन्धित २७५ भ्रष्टाचार तथा अनियमितता सम्बन्धी उजुरी परेका छन् ।
यस्तै,तेश्रोमा पचरौता नगरपालिका, चौथो सुवर्ण गाउँपालिका र पाँचौंमा मधेश प्रदेशस्थित जनकपुर उपमहानगरपालिकाका गतिविधि विरुद्ध १७६ वटा उजुरी अख्तियारमा परेका छन् । यस्तै हेटौंडा उपमहानगरपालिकाको काम कारवाहीसँग सम्बन्धित १२२ वटा उजुरी अख्तियारमा परेको छ ।
बढी भ्रष्टाचारको उजुरी पर्ने १० स्थानीय तहमध्ये छैटौँ नम्बरमा छिपहरमाई गाउँपालिका, सातौँमा कृष्णनगर नगरपालिका, आठौँमा जलेश्वर नगरपालिका, नवौँ स्थानमा राजपुर नगरपालिका र १० औँ स्थानमा हेटौँडा उपमहानगरपालिका छन् ।
बिज्ञापन
‘बढी उजुरी पर्ने १० स्थानीय तहमा स्थानीय तहविरुद्धका कुल उजुरीको ९ दशमलव ८ प्रतिशत छन् भने बाँकी स्थानीय तहसँग सम्बन्धित ९० प्रतिशतभन्दा बढी उजुरी रहेको अख्तियारले भनेको छ ।
यी उजुरी प्रतिशतमा केलाउँदा कुल उजुरीमध्ये पोखरा महानगर पालिकामा १ दशमलव ८८, काठमाडौँ महानगरपालिकामा १ दशमलव ४४, पचरौता नगरपालिकामा १ दशमलव २९ र सुवर्ण गाउँपालिकामा १ दशमलव १५ प्रतिशत उजुरी हुन आउँछ ।
