श्रम, रोजगार तथा सामाजिक सुरक्षामन्त्री दिपककुमार साह दुई सातामै हटाइएका छन्। प्रधानमन्त्री बालेन्द्र शाहले श्रममन्त्री साहलाई बिहीबार पदबाट हटाएका हुन्।
राष्ट्रिय स्वतन्त्र पार्टी ले १३ चैत्रमा उनलाई मन्त्री पदमा नियुक्त गरेको थियो ।
बिज्ञापन
श्रीमती जुनु श्रेष्ठलाई स्वास्थ्य बीमा बोर्डको सदस्यमा पुनर्नियुक्तिको विषय लाई लिएर उनी विवादमा परेका थिए । मन्त्री साहको यस्तो गतिविधिबाट पार्टीको छवि, आदर्श, सिद्धान्त र मर्यादामा गम्भीर आँच पुग्ने देखिएको निष्कर्षसहित रास्वपा सभापति लामिछानेले प्रधानमन्त्री शाहसमक्ष आयोगको प्रतिवेदनसहित सिफारिस पेस गरेका थिए ।
बिज्ञापन
सोही सिफारिसका आधारमा प्रधानमन्त्री शाहले श्रममन्त्री साहलाई पदमुक्त गरेको हुन । पदको दुरुपयोग भएको अवस्थामा पार्टी विधानको धारा ६९ मा पार्टीले जिम्मेवारीबाट फिर्ता बोलाउन सक्ने (राइट टु रिकल) व्यवस्था भएकाले मन्त्री साहलाई तत्काल जिम्मेवारीबाट अलग गर्न सिफारिस गरिएको थियो । त्यस्तै स्वास्थ्य मन्त्री निशा मेहतालाई समेत सचेत गराउने पार्टीले सिफारिस गरेको छ।
बिज्ञापन
