अन्तरिम सरकारका मन्त्रीहरु बिदामा पनि घर जानु अघि कर्मचारीहरुलाई नै दोष लगाएका छन् । सरकारका मन्त्रीहरू आफूले सम्हालेको मन्त्रालयबाट धमाधम बिदाइ हुन थाल्दा केहीले भने कर्मचारीहरुप्रति तीतो पोखेका छन् । लेका छन्।
बिज्ञापन
वर्तमान सरकारमा प्रधानमन्त्री कार्कीसहित ११ मन्त्री रहेकामध्ये सहरी विकासमन्त्री कुमार इङनाम भने यही चैत ५ गते मन्त्रालयबाट बिदाइ भइसकेका छन भने आइतबार भूमि व्यवस्थाबाट विदाइ हुँदैछन् ।
बिज्ञापन
प्रधानमन्त्री सुशीला कार्कीले सरकारी काम नहुनुमा सचिवहरु मुख्य दोषी भएको र आफूले सचिवहरुबाट कुनै सहयोग नपाएको बताएको साता दिन नबित्दै अर्काे मन्त्री कुमार इङ्नाम पनि प्रशासकहरुप्रति आक्रामक देखिए । यस्तै अर्थसहित संघीय मन्त्रालयको जिम्मेवारी सम्हालेका मन्त्री रामेश्वर खनालले आफ्नो कार्यप्रगति सार्वजनिक गरेर मन्त्रालय जान छाडेका छन् ।
प्रधानमन्त्री सुशीला कार्की समेत सिंहदरबार जान छाडेका छिन् । केही दिन अघि उनले सचिवहरुले आफ्नो स्वार्थ अनुसार निर्णय नहुने अवस्था आए अख्तियारलाई देखाएर हुँदैन र मिल्दैन भनी काम गर्नै रोकेको अनुभव सुनाएकी थिइन । उनले सरकारी काम नहुनुमा ७५ प्रतिशत दोषी सचिवहरु भएको र सबैभन्दा ठूलो सुधार सिंहदरबारभित्र आवश्यक रहेको औल्याएकी थिइन ।
बिज्ञापन
शहरी विकास मन्त्री कुमार इङ्नामले समेत सचिव गोपाल सिग्देल र महानिर्देशक रवीन्द्र बोहराको कार्यशैलीप्रति असन्तुष्टि जनाए । विदाइ कार्यक्रममा उनले सचिव र महानिर्देशकको विरोधै गरे ।
संघीय संसद भवन समयमा नबनेको बिषयमा मन्त्रीले असन्तृष्टि जनाएका थिए । संसद् भवन किन समयमा बन्दैन ? किन समय थपेको थप्यै गरिन्छ ? कर्मचारीहरू किन अटेरी गर्छन ? जति भन्दा पनि नमानेपछि मैले डीजीलाई सरुवा गर्न खोज्दा सचिवज्यूले मान्नुभएन, उल्टै पछि मन्त्रीले ३ करोड घुस खाएर सरुवा गर्न लागेको भनेर हल्ला फिँजाइयो ।”
उनले सिनियर कर्मचारीलाई विभागमा पठाएर जुनियरलाई हटाउन खोज्दा उल्टै आफू माथि प्रहार भएको बताएका छन् । मन्त्री इङ्नामले शहरी विकास मन्त्रालयलाई अत्यधिक भ्रष्टाचार हुने मन्त्रालयका रूपमा चित्रण गरे ।
पहिला मलाई भूमि मन्त्रालय धेरै घुसिया लाग्थ्यो । तर सहरी त प्राविधिक कुरामा खेलोफड्को गर्दा झन् सजिलो रहेछ । ठेकेदारसँगको मिलेमतोदेखि कमिसन प्रतिशत र आर्थिक वर्षको अन्त्यतिर झोला बोकेर हिँड्ने प्रवृत्ति मन्त्रालयमा मौलाएको छ । उनले भेरिएसन र पेनाल्टी व्यवस्थालाई अनियमितताको माध्यमका रूपमा प्रयोग गरिएको संकेत गरे ।
यसरी दुई मन्त्रीहरु कर्मचारीप्रति आक्रामक देखिँदा अर्थ र संघीय मामिला मन्त्रालयको जिम्मेवारी सम्हालेका रामेश्वर खनाल भने नरम देखिए । उनले आफूलाई सफल पार्नका लागि मन्त्रालयका कर्मचारीहरुको ठूलो भूमिका रहेको भन्दै उनीहरुको प्रंशशा नै गरेका छन् ।
