सर्लाहीको सदरमुकाम मलङ्गवामा गोली प्रहार भएको छ। प्रहरीका अनुसार भौतिक पूर्वाधार विकास कार्यालयका सब इन्जिनियरमाथि गोली प्रहार गरी हत्या गरिएको हो ।
बिज्ञापन
पूर्वाधार विकास कार्यालय मलङ्गवामा कार्यरत इन्जिनियर ३६ वर्षीय प्रमोदकुमार यादवको हत्या भएको हो । सिरहाको सुखिपुर नगरपालिका ६ बैशाखा घर भएका यादवलाई आइतबार राति ८ बजेतिर मलङ्गवा नगरपालिका १० देबीटोलस्थित डेरामा गोली प्रहार भएको हो ।
बिज्ञापन
यादवलाई अज्ञात व्यक्तिहरुले घर बाहिर बोलाएर गोली प्रहार गरेका थिए । छातीमा गोली लागेर घाइते भएका उनलाई प्रादेशिक अस्पताल मलंगवा लगिएको थियो ।
अस्पतालले उपचारका क्रममा उनलाई मृत घोषणा गरेको हो । घटनापछि सुरक्षा निकायले अनुसन्धान तीव्र बनाएको जनाइएको छ ।
बिज्ञापन
