सार्वजनिक खरिद अनुगमन कार्यालयले ९ निर्माण कम्पनी तथा आपूर्तिकर्तालाई कालोसूचीमा राखेको छ।
बिज्ञापन
विभिन्न सार्वजनिक निकायहरूको सिफारिसका आधारमा कार्यालयले बुधबार निर्णयानुसार सार्वजनिक खरिद ऐन, २०६३ को दफा ६३ (१) बमोजिम यो कारबाही गरेको हो।
बिज्ञापन
कालोसूचीमा पर्नेहरूमा कान्छाराम कन्स्ट्रक्सन कम्पनी प्रा लि, क्यापिटल इन्टरप्राइजेज,श्रीओम अटो ल्युब प्रा लि, आर्कटिक कन्स्ट्रक्सन प्रा लि, ग्रीन वर्ल्ड कन्स्ट्रक्सन प्रा लि, अग्रिम लङभिजन धनलक्ष्मी जे भी र मार्सेली निर्माण सेवा रहेका छन् । यी निर्माण कम्पनी तथा आपूर्तिकर्ताहरुलाई क्रमश कर्णाली प्रदेश सरकार,पूर्वाधार विकास निर्देशनालय,सम्भारथी विभाग, जंगी अड्डा,पाँचथर नगरपालिका,खानेपानी सिँचाई तथा उर्जा विकास कार्यालय,बुलिङटार गाउँपालिका,केन्द्रीय आयोजना कार्यान्वयन इकाई,सानोठिमी र रामप्रसाद राई गाँउपालिकाले कालोसूचीमा राख्न लेखि पठाएका हुन ।
कालोसूचीमा परेका व्यवसायी तथा आपूर्तिकर्ताहरूलाई एक बर्षदेखि एक बर्ष ६ महिना अवधिका लागि र मुलुकभरका कुनै पनि सार्वजनिक निकायको खरिद प्रक्रियामा सहभागी हुन नपाउने कार्यालयले बिहीबार जारी गरेको सूचनामा उल्लेख छ ।
बिज्ञापन
