मन्त्रिपरिषद्को बिहीबार बसेको बैठकले गरेका विभिन्न तीन निर्णयहरु सार्वजनिक भएका छन् ।
बिज्ञापन
क्याविनेटले राष्ट्रपति रामचन्द्र पौडेलको विदेश भ्रमण स्वीकृत गरेको छ। नेपाल र जापानको कूटनीतिक सम्बन्ध स्थापना भएको ७०औँ वर्षगाँठको उपलक्ष्यमा राष्ट्रपति पौडेले माघ १८ देखि २१ सम्म जापानको भ्रमण गर्दै छन्।
सरकारका प्रवक्ता तथा गृहमन्त्री ओमप्रकाश अर्यालका अनुसार,नेपाल र जापान बीचको कूटनीतिक सम्बन्ध स्थापना भएको ७० औं वर्षगाँठको उपलक्ष्यमा २०८२ साल माघ १८ देखि २१ गतेसम्म जापानमा आयोजना हुने कार्यक्रममा सहभागी हुन राष्ट्रपति रामचन्द्र पौडेल नेतृत्वको प्रतिनिधिमण्डललाई स्वीकृति दिने निर्णय भएको छ ।
बिज्ञापन
त्यस्तै, मन्त्रिपरिषद्ले नेपाल स्टक एक्सचेन्ज लिमिटेडको पुनर्संरचना सम्बन्धी सुझाव समिति २०८२ ले पेश गरेको प्रतिवेदन सार्वजनिक गर्ने निर्णय गरेको छ।
यससँगै नेपाल प्रहरीको राशन स्केल र राशनबापतको दैनिक रकम वृद्धि गर्ने सरकारले निर्णय गरेको छ। यो निर्णय फागुन १ गतेदेखि लागू हुनेछ।
बिज्ञापन
धानमन्त्री निवास बालुवाटारमा बिहीबार बसेको मन्त्रिपरिषद्को बैठकले गृह मन्त्रालयको प्रस्तावमा प्रहरीको रासन बृद्धि गर्ने निर्णय गरेको हो । हाल उपत्यकामा कार्यरत प्रहरी कर्मचारीले दैनिक १६ आइटम बराबर २०१ रुपैयाँ पाउने गरेका छन् । गृहले त्यसलाई बढाएर सशस्त्र प्रहरी बल र नेपाली सेनाको सरह बनाउनुपर्ने प्रस्ताव गरेको थियो ।
नेपाली सेनाका सकलदर्जाले अहिले २४ र सशस्त्र प्रहरीले १९ आइटम रासन पाउँदै आएका छन् । नेपाल प्रहरीमा रासन भत्तामा मात्र वार्षिक ६ अर्ब भन्दा बढी खर्च हुने गरेको छ।
