संघीय मामिला तथा सामान्य प्रशासन मन्त्रालयले २८ जना शाखा अधिकृतहरुको सरुवा गरेको छ । मन्त्रालयले गत शुक्रवार र आइतबारको निर्णय अनुसार ती अधिकृतहरुको सरुवा गरेको जनाएको छ ।
बिज्ञापन
सरुवाको सूची अनुसार,अख्तियारका ल्याब टेक्निसियल भौतिक मन्त्रालयमा पुगेका छन् भने गृहबाट चुन बहादुर तमाङ अख्तियार पुगेका छन् । यस्तै,अख्तियारबाट सन्ध्या पाण्डे राष्ट्रिय योजना आयोग,मुख्यमन्त्री कार्यालय बागमती प्रदेशबाट इन्जिनियर शिव शंकर दासलाई शहरी मन्त्रालयमा ल्याइएको छ भने बागमती प्रदेशबाट अर्काे मेकानिलक इन्जिनियर बसन्त श्रेष्ठलाई अर्थ मन्त्रालय अन्तर्गत ल्याइएको छ । चन्द्र नारायण श्रेष्ठ बागमती प्रदेशबाट वन मन्त्रालयमा पुगेका छन् ।
बिज्ञापन
सरुवाको सूची अनुसार,निजामती किताबखानाबाट अर्जुन खड्कालाई उद्योग मन्त्रालय,लुम्बिनी प्रदेशबाट इन्जिनियर नविन घिमिरेलाई भौतिक मन्त्रालयमा ल्याइएको छ । सम्पत्ति शुद्धीकरणबाट बन्दना कुमारीलाई प्रधानमन्त्री तथा मन्त्रिपरिषद् अन्तरगत ल्याइँदा उद्योगबाट लिलाराज काफ्ले सामान्य प्रशासन मन्त्रालयमा पुगेका छन् ।
मन्त्रालयले स्वास्थ्यबाट खगेन्द्र भारतीलाई सुर्नया गाउँपालिका,आबुखैरेनी गाउँपालिकाबाट चन्द्रकान्त तिमिल्सिनालाई सामान्यको बरण्डा,नवदुर्गा गाउँपालिकाबाट हर्षबहादुर रोकालाई पूर्वीचौकी गाउँपालिकामा खटाइएको छ । पूर्वीचौकीबाट देवी प्रसाद जोशीलाई नवदुर्गा गापा,गृहबाट मुरारी निरौलालाई ग्रामथान गाउँपालिका,गंगादेवबाट विनोद श्रेष्ठलाई प्रम कार्यालय,मिक्लाजुङबाट विकेन पौडेल लिखुपिके गापा,सामान्यको बरण्डाबाट दिनेश ज्ञवाली रुरुक्षेत्र गापा,भूमि मन्त्रालयबाट भिमार्जुन भुसाललाई मदाने गापामा खटाइएको छ ।
यस्तै,भूमिबाट लक्ष्यमण चालिसे चन्द्रकोट गाउँपालिका,रुपनी गापाबाट उमेश कुमार यादवलाई औरही,मैलुङ गापाबाट सञ्जय शिवाकोटी कालिञ्चोक पुगेका छन् । कालिञ्चोकमा कार्यरत रहेका पवन प्याकुरेललाई दोलखाकै विगु गापा,नरहा नगरपालिकाबाट लालबाबु यादवलाई रामनगर गापामा पठाइएको छ । भूमिबाट दिलिप यादवलाई बरियापट्टी गाउँपालिका,गृहबाट धनीराम शर्मालाई सिम्ता गापा,कुमाखबाट दिलिपकुमार सोनीलाई भगवतीमाई गापामा पठाइएको छ भने भगलीमाईबाट नारायणजंग पाण्डे कुमाखमा पुगेका छन् ।
बिज्ञापन
