वरिष्ठ सहसचिव बैकुण्ठ अर्यालको नाम सचिव बढुवाका लागि सिफारिस भएको छ । लोक सेवा आयोगका अध्यक्ष माधवप्रसाद रेग्मीको अध्यक्षतामा बसेको बढुवा सिफारिस समितिको बैठकले वैकुण्ठप्रसाद अर्यालको नाम एकल सिफारिस गरेको हो ।
बिज्ञापन
२०५३ सालमा रुकुमबाट विद्यालय निरिक्षकका रुपमा सेवा प्रवेश गरेका अर्याल ०७१ सालमा सहसचिव भएका हुन् अर्याल हाल हाल सूदुरपश्चिम प्रदेशको कामु प्रमुख सचिव पदमा कार्यरत छन् । यस अघि चार पटकसम्म लगातार बढुवाका लागि सिफारिस भएका थिए । शिक्षा सेवाका अर्यालको नाम यस अघि सोही सेवाका कृष्णप्रसाद काप्रीसँगै उनको समेत नाम सिफारिस भएको थियो ।
बिज्ञापन
तीन पटकसम्म नाम सिफारिस भएर सचिव हुन सकेका थिएनन् । निजामती सेवा ऐन अनुसार कार्यसम्पादन मूल्याङ्कन अन्तरगत ८० प्रतिशतका आधारमा हुने बढुवामा लगातार चार पटकसम्म एक सचिवका लागि तीन वरिष्ठ सहसचिव र पाँचौँ पटक ज्येष्ठताका आधारमा २० प्रतिशतबाट एक जना मात्र ज्येष्ठ सहसचिवको नाम सिफारिस गर्ने व्यवस्था छ । सोही व्यवस्था अनुरुप अर्यालको नाम सिफारिस भएको हो ।
गत १० मंसिरमा एकै पटक मुख्य सचिव एकनारायण अर्याल र गोकर्णमणि दुवाडी अवकाशमा गएसँगै रिक्त हुन पुगेको दुई सचिवमध्ये एक पदमा बढुवाका लागि अर्यालको नाम सिफारिस भएको हो ।
यस अघि बरिष्ठतामा अगाडि भएर पनि गोकर्णमणि दुवाडी,रघुराम विष्ट,डण्डु घिमिरेहरु यसैगरी बढुवा भएका थिए ।
बिज्ञापन
