‘हानौंला झैं आउँछन् । अनि सम्झाएपछि फतक्कै गल्छन्’पछिल्लो समय देशलाई आफ्नै वरिपरी घुमाइरहेका सुदन गुरुङबारे एक सरकारी अधिकारीको भनाइ हो यो ।’ आउँछन्, आफ्नो कुरा सीधासाधी राख्छन् । गरिहाल्नुस् हामी धेरै पर्खिन सक्दैनौं भन्छन् अनि हिँडी पनि हाल्छन् । हो, यस्तै छन् सुदन जसलाई धेरे कुरा थाहा छैन । थाहा भएको भए संविधानै खारेज गर्न मन छ, तर के गर्नु ? कालापानी, लिम्पियाधुरा उता पर्छ, के गरौँ, के गरौँ, दोधारमा छु भन्दैन थिए,’ उच्च स्रोत भन्छ, ‘बोलीमा लगाम नभए पनि उसको मनचाहिँ सफा छ ।’
बिज्ञापन
कहिले प्रधानमन्त्री हटाउने कुरा गर्दछन् त कहिले गृहमन्त्री ओमप्रकाश अर्याललाई जिम्मेवारीबाट हटाउने बिषय उठाउँछन् । भदौ २३ गतेको प्रदर्शनमा पानी बाँड्ने भूमिकाबाट रातारात जेनजी अगुवा बनेर उदाएका ‘हामी नेपाल’ एनजिओका संस्थापक सुदन गुरुङ गैरराजनीतिक अभिव्यक्तिका कारण चर्चा र विवादमा आइरहने पात्र हुन । उनै सुदनका गतिविधिलाई नजिकबाट हेरिरहेका एक उच्च सरकारी अधिकारी भन्छन्,स–साना घटनाले पनि उद्धेलित भैहाल्ने स्वभाव रहेछ उनको । मनमा लागेका कुरा फ्याट्ट बोलिहाल्ने, भाषा र प्रस्तुति मिलाएर तर्क–वितर्क र बहस नगर्ने, औपचारिक बैठक/छलफलमा पनि ठाडो बोल्ने उनलाई प्रक्रियासँग मतलव छैन, आफूले चाहेजस्तो परिणाम खोज्छन् ।
बिज्ञापन
त्यही कारण त सुदन गुरुङ्गले महिला, बालबालिका तथा ज्येष्ठ नागरिक मन्त्रालयकी सचिव लक्ष्मीकुमारी बस्नेतलाई ‘जुम्रा मारेर र कुरा काटेर नबस्न’ निर्देशन दिए त्यो पनि शीतलनिवासमा । शपथ ग्रहण सकेर निस्किने क्रममा महिला सचिवको अगाडि उभिएर ‘अब काम गर्ने, जुम्रा मारेर र कुरा काटेर बस्ने होइन भन्दै फर्किए ।
अहिले यही समूह कर्मचारी सरुवाको हिस्सा खोज्दै छ । सुशासनका लागि दलतन्त्रविरुद्ध विद्रोह गरेको भन्ने जेनजीहरू नै कर्मचारी सरुवा, बढुवामा भाग खोज्दै मन्त्रीदेखि सचिव,सहसचिवहरुलाई दिक्क लगाउन थालेका हुन ।
बिज्ञापन
हालै मात्र निवृत्त भएका मुख्य सचिव एकनारायण अर्यालसँग गुरुङ समूहका ओजस्वी थापा, अनिल बानियाँ र भावना राउतले कर्मचारी सरुवाको विषय उठाएको बताइन्छ । यसरी सिंहदरबार धाउनेलाई सचिवहरूले भने नीतिगत र कानुनी अप्ठ्यारा देखाउँदै सम्झाइबुझाइ फर्काइएको थियो ।
यो समूहले विभिन्न मन्त्रालयका सचिव,सहसचिवहरुसँग कर्मचारी सरुवामा रुची देखाए पछि पूराना पार्टीले जस्तै कर्मचारीलाई राजनीतिकरण गर्ने हो भने उनीहरू र हामीबीच के फरक भयो र ? भनेर सम्झाएर पठाइएको थियो ‘अर्काे एक सचिवले बताए । त्यसरी सम्झाएर पठाएपछि यो समूह फेरि कर्मचारी सरुवामा हिस्सा खोज्दै आएको छैन ।
