महालेखा नियन्त्रक कार्यालयले ९ जना लेखा अधिकृतहरुको सरुवा गरेको छ ।
महालेखाले गत बिहिबारको निर्णय अनुसार विभिन्न मन्त्रालय,कार्यालय र निकायमा कार्यरत रहेका अधिकृतहरुको सरुवा गरेको हो । सरुवाको सूची अनुसार,लेखा अधिकृत श्याम सुन्दर साहलाई जिल्ला प्रशासन कार्यालय ववरमहलबाट अधिकार सम्पन्न बाग्मती सभ्यता एकीकृत विकास समितिको कार्यालयमा सरुवा गरेको छ । यस्तै,सडक डिभिजन चन्द्रनिगाहपुर रौतहटमा कार्यरत टेकनाथ रेग्मीलाई कोष नियन्त्रकको रुपमा कोलनिका त्रिपुरेश्वरमा ल्याएको छ । महालेखाले कोलनिका पर्सामा कार्यरत सन्तोष प्रसाद कुशवाहालाई सडक डिभिजन चन्द्रनिगाहपुर रौतहटमा खटाएको छ । राम विनय मुखियालाई कोलनिका बाराबाट कोलनिका पर्सामा लेखा नियन्त्रको जिम्मेवारीसहित पठाएको छ ।
यस्तै,खाद्य प्रविधि तथा गुण नियन्त्रण विभागमा कार्यरत पूर्ण प्रसाद पोखरेललाई सडक डिभिजन लहान सिराहामा खटाएर सिराहा सडक डिभिजनमा कार्यरत पार्वती थापालाई खाद्य प्रविधि तथा गुण नियन्त्रण विभाग काठमाडौंमा ल्याएको छ ।
उच्च अदालत तुल्सीपुर दाङमा कार्यरत रहेका निखिल श्रेष्ठ जिल्ला प्रशासन कार्यालय ववरमहलमा आएका छन् भने कोलनिका त्रिपुरेश्वरमा कार्यरत भानुभक्त उपाध्याय चुरे उत्थानशील आयोजना,ववरमहलमा पुगेका छन् । राप्ती स्वास्थ्य विज्ञान प्रतिष्ठानमा कार्यरत लेखा अधिकृत विनोद दाहाललाई उच्च अदालत दाङ पुर्याइएको छ ।
महालेखाले किस्ताबन्दीमा कर्मचारीको सरुवा गरेको भन्दै लेखाका कर्मचारी वृत्तमा आलोचना शुरु भएको छ । बुधबारमात्र लेखाले १२ जना उपसचिवहरुको सरुवा गरेको थियो भने हिजो ९ अधिकृतहरुको सरुवा गरेको हो ।
बिज्ञापन
बिज्ञापन
बिज्ञापन
