काठमाडौँ उपत्यकाका सडकबाट सेना हटेको छ । गत २३ र २४ मा जेनजीको प्रदर्शनको क्रममा तोडफोड,लुटपाट मच्चिएसँगै काठमाडौं,ललितपुर,भक्तपुरमा सेना नै परिचालन भएका थिए भने ती जिल्लामा कर्फयू र निषेधाज्ञा जारी भएको थियो ।
हिजो बेलुका नै नेपालको अन्तरिम सरकारको प्रधानमन्त्रीमा सुशीला कार्की नियुक्त भएसँगै काठमाडौँका सडकमा तैनाथ सेना हटेका छन् ।
बिज्ञापन
सेनाले विगत ४ दिनदेखि दैनिक निषेधाज्ञा र कर्फ्यू आदेशसम्बन्धी सूचना जारी गर्ने गरेकोमा शनिबार बिहान ६ बजेदेखि नै कर्फ्यू र निषेधाज्ञा हटेको नेपाली सेनाका प्रवक्ता राजाराम बस्नेतले बताए ।
यसैबीच अहिले तीनै जिल्लाका प्रमुख जिल्ला अधिकारीहरूको संयुक्त बैठक बस्दै छ । काठमाडौँ, ललितपुर र भक्तपुरका सीडीओहरुको बैठक बस्न लागेको हो ।
बिज्ञापन
जारी निषेधाज्ञा खुकुलो बनाउने विषयमा छलफल गर्न बैठक बस्न लागेको हो । दिँउसोको निषेधाज्ञा हटाए पनि रातको समयमा के गर्ने भन्नेबारे निर्णय गर्न सुरक्षा समितिको बैठक बोलाइएको हो ।
बिज्ञापन
