विदेश भ्रमणका लागि सचिवहरु लर्काे लाग्दै छन् । प्रधानमन्त्री केपी शर्मा ओली चीन भ्रमणमा उड्नु अघि बसेको क्याविनेट बैठकले २४ निर्णय गरेको थियो । जसमा अधिकांश मन्त्री र सचिवहरुको भ्रमण स्वीकृति रहेको छ । क्याविनेटले २४ वटा निर्णय गर्दा ९ वटा भ्रमण स्वीकृतिसँग सम्बन्धित रहेका छन् । जसमध्ये प्रधानसेनापति अशोकराज सिग्देल चीन भ्रमण स्वीकृत गरेको छ । उनी यही भदौ २७ गतेदेखि असोज ४ गतेसम्म ग्वाङ्झौ र सांघाईमा आयोजना हुने सैन्य कार्यक्रममा सहभागी हुँदैछन् ।
बिज्ञापन
यस्का अलवा १४ देखि १८ साउनसम्म प्रधानमन्त्री केपी शर्मा ओली नेतृत्वको टिमको चीन भ्रमण पनि सोही क्याविनेटले स्वीकृत गरेको थियो । अहिले प्रधानमन्त्री केपी शर्मा ओली, दुई मन्त्री र परराष्ट्र सचिवसहितको टोली चीन भ्रमणमा छन्। उनीहरु १८ गते फर्कदैछन् ।
बिज्ञापन
क्याविनेटले सरकारका चार सचिवहरुको विदेश भ्रमण स्वीकृत गरेको छ । क्याविनेटले जलस्रोत तथा सिँचाइ सचिव सरिता दवाडीको मलेसिया भ्रमण स्वीकृत गरेको छ । आगामी भदौ २२ देखि २८ गतेसम्म क्वालालम्पुरमा हुने ‘आईसीआईडीयूएस मेगा इभेन्ट’, चौंथो ‘वर्ल्ड इरिगेसन फोरम तथा ७६औं इनटरनेसनल एक्जुकेटिभ काउन्सिल बैठकमा सहभागी हुन उनी मलेसिया जाने भएकी हुन ।
यस्तै,अर्थ मन्त्रालय (राजश्व) सचिव दिनेश घिमिरेको जापान भ्रमण स्वीकृत गरेको छ । घिमिरे आगामी असोज ८ देखि ९ गतेसम्म टोकियोमा हुने ‘द फोर्टिन हाइ–लेवल टाक्स कन्फ्रेन्स फर एसियन एन्ड स्पेसिफिक कन्ट्रिज्’ सम्मेलनमा सहभागिताका लागि जापान जाने भएका हुन ।
यस्तै कृषि तथा पशुपन्छी विकास मन्त्रालयका सचिव डा गोविन्द शर्मा भदौं २३ देखि २५ गतेसम्म हुने ‘डाइलग नेक्स्ट’ कार्यक्रममा सहभागी हुन भारत जाँदैछन् ।
बिज्ञापन
शिक्षा सचिव चूडामणि पौडेल आगामी कात्तिक ११ देखि १३ गतेसम्म लण्डनमा आयोजना हुने ‘ग्लोबल हायर एजुकेसन’ सम्बन्धी सम्मेलनमा सहभागी हुँदैछन् ।
