महालेखा नियन्त्रण कार्यालयले ५० जना लेखापालहरूको सरुवा गरेको छ। कार्यालयले आज मात्रै सो सरुवाको सूची सार्वजनिक गरेको हो।
बिज्ञापन
बिज्ञापन
केही दिनअघि नै महालेखाले सो सरुवा गरिसकेको भए पनि औपचारिक रूपमा सार्वजनिक गरेको थिएन। यसअघि पनि महालेखाले करिब ३ सय हाराहारी कर्मचारीहरूको सरुवा गुपचुपमै राखेको भन्दै आलोचना भएको थियो।
तर, कर्मचारी प्रेसले हिजो मात्र समाचार सार्वजनिक गरेपछि महालेखाले दबाबका बीच आज सूची बाहिर ल्याएको हो। सरुवा प्रक्रियामा पारदर्शिता नदेखिएको भन्दै कर्मचारी वृत्तमा असन्तुष्टि बढ्दै गएको छ।
बिज्ञापन
कार्यालयले भने नियमित प्रक्रिया अनुसार सरुवा गरिएको दाबी गरेको छ। तर, कर्मचारीहरूले भने सार्वजनिक संस्थामा सरुवाजस्तो महत्वपूर्ण कार्य गुपचुपमा गर्नु गैरजिम्मेवार प्रवृत्ति भएको टिप्पणी गरेका छन्।
