शहरी विकास मन्त्रालयको बा २ झ १६१० नम्बरको सरकारी गाडी रेडियो काठमाडौंले आयोजना गरेको वनभोज तथा तीज कार्यक्रममा कर्मचारी ओसार्न प्रयोग भएको खुलेको छ। गत शुक्रबार जर्सिङ पौवास्थित रिसोर्टमा भएको कार्यक्रममा उक्त गाडीले रेडियोका कर्मचारीलाई ल्याउने–लैजाने काम गरेको थियो।
बिज्ञापन
शहरी विकासमन्त्री प्रकाशमान सिंहका स्वकीय सचिव युपि लामिछानेमाथि गाडी दुरुपयोगको आरोप लागेको छ। लामिछाने रेडियो काठमाडौंका अध्यक्ष तथा प्रबन्ध निर्देशक पनि हुन्। उनका व्यक्तिगत कार्यक्रम र संस्थाको सुविधा पुर्याउन सरकारी साधन प्रयोग गर्नु संवैधानिक उल्लङ्घन र प्रशासनिक गम्भीर अपराध मानिन्छ।
बिज्ञापन
सूचनाअनुसार, लामिछानेले प्रयोग गरेका गाडीबाहेक अन्य मन्त्रालयका गाडीहरू पनि सो कार्यक्रममा पाहुनाहरू बोकेर पुगेका थिए। कार्यक्रममा सहभागीहरूले भने, गाडीको फोटो खिच्न मौखिक सर्कुलर जारी गरिएको थियो, जसले सरकारी साधन दुरुपयोग लुकाउन खोजिएको पुष्टि गर्छ।
कार्यक्रममा गोकर्णेश्वर नगरपालिकाका मेयरसहित अन्य राजनीतिक हस्तीहरूको पनि उपस्थिति रहेको थियो। विशेषज्ञहरूका अनुसार, सरकारी साधन निजी कार्यक्रममा प्रयोग गर्नु सिद्धान्तगत, प्रशासनिक र कानूनी दृष्टिले गम्भीर समस्या हो।
बिज्ञापन
