सरकारले एकै पटक ७२ जना सहसचिवको सरुवा गर्दा स्वास्थ्य सेवाका ४ कर्मचारी हेरफेर भएका छन् ।
बिज्ञापन
मन्त्रिपरिषदको साउन २६ गते बसेको बैठकले एकै पटक ७२ सहसचिवहरु चलाउँदा प्रशासन सेवाका ४७ ,इञ्जिनियरिङ सेवातर्फका १३,शिक्षा सेवा १,स्वास्थ्य सेवाका ४ र वन तथा कृषि सेवाका ७ कर्मचारीहरु सरुवा भएका हुन ।
बिज्ञापन
मन्त्रिपरिषद्को निर्णयअनुसार कोशी प्रदेशका स्वास्थ्य सचिव राधिका थपलियालाई स्वास्थ्य तथा जनसङ्ख्या मन्त्रालयमा ल्याइएको छ र यस्तै निर्वाचन आयोगमा रहेकी सहसचिव निता पोखरेल अर्याललाई स्वास्थ्य मन्त्रालयमा भित्रिएकी छिन् । यता राष्ट्रिय योजना आयोगमा कार्यरत हेमराज सुवेदीलाई पनि स्वास्थ्य मन्त्रालयमा सरुवा गरिएको छ । मधेस प्रदेश मुख्यमन्त्री कार्यालयमा रहेका सहसचिव डाक्टर श्रवणकुमार मिश्रलाई स्वास्थ्य मन्त्रालयमा ल्याइएको छ ।
यसरी स्वास्थ्यमा चार सहसचिवहरु भित्रदा सहसचिव ऋषिराज आचार्यलाई गण्डकी प्रदेशको मुख्यमन्त्री तथा मन्त्रिपरिषद्को कार्यालय र डाक्टर यदुचन्द्र घिमिरेलाई कोशी प्रदेशको मुख्य मन्त्री तथा मन्त्रिपरिषद्को कार्यालयमा कामकाजमा खटाइएको छ ।
बिज्ञापन
