प्रधानमन्त्री केपी शर्मा ओलीको क्याविनेट हेरफेरको चर्चा चलिरहेका समयमा तिनै परिवर्तन गर्न लागिएका मन्त्रीहरुसँग कार्यसम्पादन सम्झौता गर्ने तरखर हुँदैछ । प्रधानमन्त्री केपी शर्मा ओलीसँग चालु आर्थिक वर्षमा गरिने मुख्य काम र हासिल हुने उपलब्धिका लागि उपप्रधानमन्त्रीद्वय र मन्त्रीहरुबीच आज कार्यसम्पादन सम्झौता हुँदैछ ।
बिज्ञापन
ओली क्याविनेटमा एमालेबाट प्रतिनिधित्व गरिरहेका उपप्रधानमन्त्री विष्णु पौडेल,सञ्चारमन्त्री पृथ्वीसुव्वा गुरुङ,शिक्षा मन्त्री रघुजी पन्त र सामान्य प्रशासनमन्त्री भगवती न्यौपाने बाहेकका मन्त्रीहरु हेरफेर हुने चर्चा व्यापक छ । यही चर्चाका विच प्रधानमन्त्री केपी शर्मा ओलीले उनीहरुसँग एक बर्षका लागि कार्यसम्पादन सम्झौता गर्न लागेका हुन ।
बिज्ञापन
मन्त्रीहरु नै हेरफेरको चर्चा चलिरहेको समयमा प्रधानमन्त्रीले उपप्रधानमन्त्रीद्धय सहित अरु मन्त्रीहरुसँग आज कार्यसम्पादन सम्झौता गर्न लागेका हुन । प्रधानमन्त्री केपी शर्मा ओलीसँग चालु आर्थिक वर्षमा गरिने मुख्य काम र हासिल हुने उपलब्धिका लागि उपप्रधानमन्त्रीद्वय (प्रकाशमान सिंह र विष्णुप्रसाद पौडेल) र मन्त्रीहरूबीच आज कार्यसम्पादन सम्झौता हुँदैछ। प्रधानमन्त्री तथा मन्त्रिपरिषद्को कार्यालय,सिंहदरबारमा दिउँसो १ बजे मन्त्रालयगत वार्षिक प्रगति समीक्षाका साथै कार्यसम्पादन सम्झौतामा हस्ताक्षर भइ आदानप्रदान हुन लागेको हो ।
प्रधानमन्त्रीसँग मन्त्रीहरुले कार्यसम्पादन सम्झौता गरेपछि मन्त्रीहरुले सम्बन्धित सचिवहरुसँग कार्यसम्पादन सम्झौता गर्नुपर्नेछ ।
बिज्ञापन
अर्काेतिर सरकारले रमिता देखाइरहेको छ । यो काम किन गरेको ? यस्को कुनै चित्तबुझ्दो तर्क र जबाफ छैन । अहिले केन्द्रमा ५० हजार कर्मचारी छन् । प्रत्येकले तीन पाने कार्यसम्पादन सम्झौताको फारम भर्दा डेढ लाख पाना हुन्छ, त्यो कहाँ राख्ने ? लाखौं कर्मचारीले वर्षेनी सम्पत्ति विवरणको फारम भर्छन् । चार पन्ने सम्पत्ति विवरण राख्नलाई ठाउँ छैन । निजामती, प्रहरी, सेना, शिक्षक र सार्वजनिक–साझेदारी संस्थाका अभिलेखालय भरिभराउमात्र छैनन्, मान्छेभन्दा धमिरा बढी लाग्ने स्थिति छ । त्यसमाथि अब कार्यसम्पादन सम्झौताको थाक कहाँ थन्क्याउने ? कार्यसम्पादन फारम पाँच वर्ष र सम्पत्ति विवरण जागिरभर राख्नुपर्छ । अहिले प्रत्येक अभिलेखालयहरु (किताबखाना) पुरानै कागजात व्यवस्थापन गर्न नसकेर भद्रगोल छन् । अनि जमाना पेपरलेस प्रणालीको छ ।
अर्कोतिर महिना दिनपछि रिटायर्ड भएर घर जाने कर्मचारीहरुसँग समेत कार्यसम्पादन सम्झौता गराइएको हुन्छ । उनीहरुसँग गरिने एक वर्षे सम्झौताको के अर्थ ?
