संघीय मामिला तथा सामान्य प्रशासन मन्त्रालयले विभिन्न ८ वटा नगरपालिकाको प्रमुख प्रशासकीय अधिकृतहरु परिवर्तन गरेको छ ।
मन्त्रालयले शुक्रवार ३४ उपसचिवहरुको सरुवा गर्दा ८ नगरपालिकाको प्रमुख प्रशासकीय हेरफेर गरेको हो । मन्त्री भगवती न्यौपानेले आफ्ना नातेदार लेखनाथ न्यौपानेलाई पर्यटन मन्त्रालयबाट सामान्यमा भित्र्याएकी छिन् । शिक्षाबाट महेन्द्र विश्वकर्मा,गृहबाट नारायण खतिवडालाई तानेर अतिरिक्तमा राखिएको छ । यस्तै जिसस जाजरकोटमा रहेका गोविन्द घिमिरे पनि मन्त्रालयको अतिरिक्त समूहमा ल्याइएको छ ।
मन्त्रालयले गृहका उपसचिव जितेन्द्र कुमार यादवलाई हरिपुर नगरपालिका सर्लाहीको प्रमुख प्रशासकीय अधिकृतको जिम्मेवारी दिएर खटाएको छ भने गृहबाटै नरेश कुमार यादव कविलाशी नगरपालिका,निलकण्ठ नगरपालिकाबाट पुरुषोत्तम सुवेदी काठमाडौंको कागेश्वरी मनोहरामा भित्रिएका छन् केही महिना अगाडिमात्र कागेश्वरी पुगेका हरिराम नागिला बाह्रविह्रे नगरपालिका सिन्धुपाल्चोक पुगेका छन् । नागिलालाई राष्ट्पति रामचन्द्र पौडेल निकट कर्मचारीका रुपमा चिनिन्छ । बाह्रविसेबाट ईश्वरी शर्मा बागलुङ नगरपालिका,बागलुङका हरिदत्त कडेललाई निलकण्ठमा पुर्याइएको छ भने गलकोटबाट घनश्याम शर्मा कुस्मा पुगेका छन् । कुस्मामा रहेका नेत्र पौडेल सामान्यको अतिरिक्त समूहमा पुगेका छन् । जिसस मोरङमा कार्यरत रहेका विवादित उपसचिव महेश पाण्डेलाई कामकाजमा कावासोती नगरपालिकामा खटाइएको छ ।
बिज्ञापन
बिज्ञापन
