बिज्ञापन
मन्त्री तथा तिनका सचिवालयमा बसेर सरकारी सवारी साधन र इन्धनको दुरुपयोग गर्ने क्रम बढेको छ । प्रधानमन्त्री केपी शर्मा ओलीले प्रचण्डका कार्यकालमा आफ्ना आफ्ना कार्यकालमा सचिवालयको खर्च २ करोड कम भएको विवरण अर्थ मन्त्रालयको लेखा शाखाबाट सार्वजनिक गराइरहँदा ओली क्याविनेटका मन्त्रीहरुले पनि मनलाग्दी ढङ्गबाट सरकारी स्रोत र साधनलाई दाइजोमा प्राप्त भएका साधनझैं दुरुपयोग गरिरहेका छन् । यो मामलामा २० औं पटक मन्त्री बनेर रेकर्ड राखेका शरद्सिंह भण्डारीको पथ पच्छाएका छन्,प्रदीप यादवले ।
बिज्ञापन
केही अघि श्रम मन्त्री शरदसिङ भण्डारीले सरकारी गाडी नै पार्टी अध्यक्ष महन्थ ठाकुर र उनकी छोरीलाई प्रयोग गर्न दिएको घटना सेलाउन नपाउँदै खानेपानी मन्त्री प्रदीप यादवले समेत मन्त्रालयको गाडी पार्टीका जिल्ला अध्यक्षलाई अवैद्य रुपमा प्रयोग गर्न दिएको पाइएको हो ।
बिज्ञापन
खानेपानी मन्त्रालयको नाममा रहेको बा २ झ २५४५ जनता समाजवादी पार्टीका मधेश प्रदेश अध्यक्षसमेत रहेका अशोक यादवले प्रयोग गरिरहेको पाइएको छ । यादवविरुद्ध पक्राउ पुर्जी नै जारी भएको छ । सर्लाही जिल्ला प्रहरी कार्यालयले आपराधिक एक दर्जन मुद्धा दर्ता भएको बताइएको छ । सो सरकारी गाडी यादवकै मलंगवास्थित घरमा छ । प्रदीप यादव मन्त्री भएपछि अशोकले गाडी प्रयोग गरिरहेका छन् ।
यस अघि श्रम मन्त्री शरद् सिंह भण्डारीले समेत मन्त्रालयको ३–०१–००२ झ ५३६७ नम्बरको महिन्द्रा स्कोर्पियो गाडी नै गायब बनाइएको थियो । मन्त्रालयका एक जना उपसचिवले गाडी नपाएपछि मन्त्रालयमा भएको गाडी खोजबिन गर्दै जाँदा ३–०१–००२ झ ५३६७ नम्बरको गाडी मन्त्री शरद्सिंह भण्डारीले आफ्ना पार्टीका अध्यक्ष महन्थ ठाकुर र उनको छोरीलाई प्रयोग गर्न दिएको खुलेको थियो ।
मन्त्रालयको उक्त गाडी जनता समाजवादी पार्टीका अध्यक्ष महन्थ ठाकुरकी छोरी मिनाक्षी ठाकुरले प्रयोग गर्दै आएको खुलेको थियो । मन्त्री भण्डारीले यसअघि पनि अध्यक्ष ठाकुरका अन्य नातेदारहरू—भान्जा, निजी सचिवको छोरा, सवारी चालक र निकटस्थ अधिवक्तासम्मलाई मन्त्रालय र वैदेशिक रोजगार बोर्डमा विभिन्न जिम्मेवारीमा नियुक्त गरेका थिए।
उनै अध्यक्ष पुत्री मिनाक्षीलाई वैदेशिक रोजगार वोर्डमा सदस्य समेत बनाइएको छ ।
