नेपाल विद्युत प्राधिकरणले पछिल्लो एक बर्षमा २१८३ कर्मचाीलाई तालिम दिएको छ । प्राधिकरणको तालिम व्यवस्थापन विभागले गत आर्थिक वर्षमा विभिन्न प्रकारका ७४ वटा तालिम सन्चालन गर्दै कुल २१८३ जना कर्मचारीहरुलाई विभिन्न छोटो तथा लामो अवधिका तालिम सन्चालन गरेको हो ।
बिज्ञापन
प्राधिकरणका अनुसार कार्यरत कुल कर्मचारीहरुको करिव २५ प्रतिशत कर्मचारीहरु बर्ष दिनको अवधिमा लामो र छोटो अवधिको तालिमबाट लाभन्वित भएका हुन । गत आर्थिक वर्षमा हालसम्म सन्चालन हुन नसकेको कर्मचारीहरुको सेवाकालिन तालिम समेत तालिम व्यवस्थापन विभागले शुरुवात गरेको जनाइएको छ।
बिज्ञापन
तालिम व्यवस्थापन विभागले आर्थिक बर्ष २०८०/०८१ मा कुल ६१ वटा तालिम सन्चालन गरेकोमा गत आ व २०८१/०८२ मा कुल ७४ वटा तालिम सन्चालन गर्न सफल भएको छ।
चालु आर्थिक वर्षको शुरुवातमै प्रशिक्षक प्रशिक्षण तालिम सन्चालन भएको छ भने २०८२ श्रावण १५ गतेदेखि ईन्डक्सन तालिम र २०८२ श्रावण १८ गतेदेखि ईलेक्ट्रिसियनहरुको लागि सेवाकालिन तालिम समेत सन्चालनको तयारी भईरहेको र विद्युत प्राधिकरणको तालिमलाई प्रभावकारी वनाउनका लागि तालिम व्यवस्थापन विभागले प्राथमिकताका साथमा कार्य गरिरहेको तालिम व्यवस्थापन विभागका प्रशासन प्रमुख भरत के सी ले जानकारी दिएका छन्।
बिज्ञापन
