कुलिङ अफ पिरियडमा भएको छेडखानीको बिषयमा छानबिन गर्न गठित संसदीय विशेष छानबिन समितिको म्याद ७ दिन थपिने भएको छ । २१ दिनको म्याद दिएर गत असार २३ मा गठित संसदीय विशेष छानबिन समितिको म्याद एक साता थपिन भएको हो ।
यस अघि गठनका एक साता जीवन परियारलाई सभापति वा संयोजक के भन्ने ? यही लफडामा अल्झिएको समितिको म्याद थप एक साता थपिन लागेको हो ।
समितिले यो बीचमा मन्त्री,मुख्य सचिव,संघीय संसदका महासचिव,समितिका सभापति,सचिवहरु,सहसचिव,दलका सचेतक,राज्य व्यवस्था तथा सुशासन समिति तथा उपसमितिसँग सोधपुछ गरिसकेको छ । यस्का अलवा केही विज्ञसँग समेत समितिले छलफल गरेको छ ।
बिज्ञापन
सोधपुछ सकाएर प्रतिवेदन लेख्ने समितिको तयारी छ । समितिको म्याद यही साउन ११ गते सकिँदैछ । त्यही कारण समितिले एक साता म्याद थप्न आग्रह गरेको छ । समितिको आग्रह अनुसार एक साता म्याद थप्ने १९ साउनको प्रतिनिधिसभा बैठकमा प्रतिवेदन पेस गर्ने गरी तयारी छ समितिको ।
बिज्ञापन
समितिमा नेपाली कांग्रेस जीवन परियार र सुशीला थिङ एमालेबाट ईश्वरी घर्ती र नारायणप्रसाद आचार्य,नेकपा माओवादी केन्द्रबाट माधव सापकोटा, राष्ट्रिय स्वतन्त्र पार्टीबाट गणेश पराजुली र राष्ट्रिय प्रजातन्त्र पार्टीबाट रोशन कार्की सदस्य छन् ।
बिज्ञापन
