लोक सेवा आयोगले पदपूर्तिका लागि वार्षिक कार्यतालिका सार्वजनिक गरेको छ । आयोगले आर्थिक बर्ष ८२/ ८३ का लागि निजामती सेवा, नेपाल स्वास्थ्य सेवा, सङ्घीय संसद सेवा तथा राष्ट्रिय मानव अधिकार सेवा, सुरक्षा निकाय, अन्य सङ्घीय सरकारी सेवा र सङ्गठित संस्थाका पदका लागि लक्षित गर्दै वार्षिक कार्यतालिका सार्वजनिक गरेको हो ।
बिज्ञापन
सार्वजनिक कार्यतालिका अनुसार,सचिव तहमा बढुवा आवश्यक्ता अनुसार हुने जनाइएको छ । यस्तै,असोज अन्तिम साता सहसचिव तहको विज्ञापन खुलाइने,मंसिरमा परीक्षा,पुस- माघमा लिखित परीक्षा र अन्तर्वार्ता तथा सिफारिस फागुन चैत्रमा हुने सूचनामा उल्लेख छ ।
बिज्ञापन
उपसचिव तहको खुला आन्तरिक परीक्षा तथा बढुवाका प्रतिशत निर्धारण भदौं असोजमा खुल्ने सूचनामा उल्लेख गरिएको छ । विज्ञापन असोज अन्तिम बुधबार खुलाइने जनाइएको छ भने लिखित परीक्षा फागुन -चैत्रमा र अन्तर्वार्ता तथा सिफारिस चैत्र तथा वैशाखमा हुने तालिकमा उल्लेख छ । स्वास्थ्य सेवा ११ औं तहको प्रतिशत निर्धारण भदौं असोजमा हुने जनाइएको छ भने असोज अन्तिममा विज्ञापन प्रकाशन हुने जनाइएको छ यस्तै पुस माघमा परीक्षा सञ्चालन हुने, तथा सिफारिस चैत्र वैशाखमा हुने तालिकामा उल्लेख छ ।
यस्तै आयोगले शाखा अधिकृत (प्राविधिक) असोज कार्तिकमा प्रतिशत निर्धारण हुने,कार्तिक अन्तिम बुधबार विज्ञापन तथा सूचना प्रकाशन हुनेछ भने जेठ- असारमा अन्तर्वार्ता तथा सिफारिस हुने आयोगले जनाएको छ । स्वास्थ्य सेवा आठौं तहको प्रतिशत निर्धारण असोज कार्तिकमा हुने जनाइएको छ भने विज्ञापन कार्तिक अन्तिम बुधबार प्रकाशन हुने जनाइएको छ । यस्तै स्वास्थ्य सेवा सातौं तहको विज्ञापन कार्तिक अन्तिम बुधबारै प्रकाशन हुने छ । स्वास्थ्य सेवाका सातौं र आठौं तहको अन्तर्वार्ता तथा सिफारिस जेठ असारमा हुने आयोगद्धारा जारी कार्यतालिकामा उल्लेख छ ।
बिज्ञापन
यस्तै शाखा अधिकृततर्फ (अप्राविधिक)को विज्ञापन मंसिर अन्तिम बुधबार प्रकाशन हुने आयोगले कार्यतालिका बनाएको छ । साउन भदौंमा मात्र सो पदका लागि लिइएका विज्ञापनको अन्तर्वार्ता तथा सिफारिस हुने छ । यस्का अलवा नासु तह (अप्राविधिक)तर्फ पुस अन्तिम बुधबार विज्ञापन प्रकाशन भने नासु तह (प्राविधिक) र स्वास्थ्य सेवा पाँचौं तहको विज्ञापन माघ अन्तिम बुधबार हुनेछ । यी पदको विज्ञापनपछि वैशाखमा परीक्षा,जेठमा लिखित परीक्षा र साउन भदौंमा अन्त्र्वार्ता वा सिफारिस हुने अयाोगको सूचनामा उल्लेख छ ।
यस्का अलवा खरिदार तह प्राविधिक तथा अप्राविधिक सेवा र स्वास्थ्य सेवा चौथौं तहको विज्ञापन फागुन तथा चैत्र अन्तिम बुधबार हुने जनाइएको छ भने कार्यतालिका अनुसार यी पदमा जेठमा परीक्षा,असारमा लिखित परीक्षा र साउनमा अन्तर्वार्ता तथा सिफारिस हुने कार्यतालिकामा जनाइएको छ ।
यसैगरी सङ्गठित पदका लागि सूचना प्रकाशन साउन देखि सूरु हुन छ । यसैगरी, लिखित परीक्षा असोज कातिकमा हुने छ भने मङ्सिर पुसमा नतिजा प्रकाशन हुने छ ।
यद्यपि अदालतको आदेश फैसला कार्यान्वयनको क्रममा उल्लिखित कार्यतालिका फेरबदल हुन सक्ने आयोगले जनाएको छ ।
