संघीय मामिला तथा सामान्य प्रशासन मन्त्री राज कुमार गुप्ताका स्वकीय सचिव शिव पटेलमाथि घुस डिल गरेको प्रकरणको छानबिन नहुँदै मन्त्री गुप्ता नै घुसको डिलमा मुछिएका छन् ।
बिज्ञापन
गत पुसमा मन्त्रीको सचिवालयबाटै स्थानीय तहमा प्रमुख प्रशासकीय अधिकृत खटन पटन गरिँदा रकम मोलमोलाई गरिएको प्रमाण नै बाहिरिएको थियो । मन्त्री गुप्ताको स्वकीय उपसचिव शिव पटेलले एउटा पालिकामा प्रमुख प्रशासकीय अधिकृत पठाउनका लागि सात लाख रकम डिमाण्ड गरेको संवाद च्याट सो गत पुस पहिलो साता सामाजिक सञ्जालमा छरपष्ट भएको छ । संघीय मामिला तथा सामान्य प्रशासन मन्त्री राजकुमार गुप्ताको स्वकीय उपसचिव शिव पटेलले स्थानीय तहमा प्रमुख प्रशासकीय अधिकृत पठाउन सातदेखि दश लाख रकम मोलमोलाई गरेको संवाद नै बाहिरिएको थियो ।
बिज्ञापन
पटेलले पर्साकै एउटा नगरपालिकामा प्रमुख प्रशासकीय अधिकृत (उपसचिव) खटाउनका लागि सात लाख डिमाण्ड गरेको ह्वाट अप च्याट नै बाहिरिएको थियो । गत ०७९ सालको स्थानीय तहको निर्वाचनमा पर्साको बहुदरमाई नगरपालिकाबाट एमालेतर्फबाट मेयरका उमेद्धार थिएपटेल । उनी जसपाका सिंगासन साह तेलीसँग पराजित भए । मेयरमा पराजय भोगेका उनी गत श्रावण ९ गतेदेखि उनी मन्त्री गुप्ताका सचिवालयमा छन् । उनैले पर्साकै स्थानीय तहमा प्रमुख प्रशासकीय अधिकृत लैजानका लागि उनले सात लाख डिमाण्ड गरेका थिए । संवाद गर्ने व्यक्तिले ५ लाख ५० हजार सम्ममा मिलाउनका लागि आग्रह गरेका छन् तर पटेलले सात लाख लिएर आफूलाई जानकारी गराउन पटेलले भनेका छन् । ४ सेप्टेम्बरमा यसरी मोलमोलाई गरिएको संवाद अहिले सामाजिक सञ्जालमा छरपष्ट भएसँगै स्वकीय उपसचिव विवादमा तानिए । यो बिषयमा कर्मचारी प्रेसले सोही समयमा मन्त्री गुप्तासँग जिज्ञासा राख्दा छानबिन गर्ने र उनीमाथि थप एक्सन लिइने बताएका थिए मन्त्री गुप्ताका प्रेस सल्लाहकार कृष्ण कुशवाहले मन्त्रीका उप स्वीकय सचिवको ह्वाटस च्याट लिक भएको प्रतिक्रिया दिएका थिए ।
गत पुसमा मन्त्रीको स्वकीय शिव पटेलले प्रमुख प्रशासकीय अधिकृत पठाउन सात देखि १० लाख डिल गरेको संवाद नै बाहिरियो । उनीमाथि केही कारवाही भएन । उल्टै प्रधानमन्त्रीलाई १०८ किलोको माला लगाइदिए । ६ महिना नबित्दै मन्त्रीमाथि नै घुस डिलमा लागेको भन्दै उजुरी अख्तियार दुरुपयोग अनुसन्धान आयोगमा पुगेको छ,त्यो पनि अडियो,भिडियो प्रमाणसहित । मन्त्री गुप्ताले मालपोत अधिकृतको सरुवा तथा भूमिसम्बन्धी नियुक्तिको विषयमा व्यापारीसँग घुसको डिल गरेको उजुरी अख्तियार पुगेको छ । यस्तै एक जना उपसचिवको सरुवा तथा थमौती तथा भूमिसम्बन्धी नियुक्तिका लागि मन्त्रीले २५ लाख डिल गरेको उजुरी अख्तियारमा परेको छ ।
बिज्ञापन
अख्तियारमा दर्ता भएको उजुरीको दर्ता नम्बर सी –०७८५५५ रहेको छ । मन्त्री गुप्ताले मालपोतका कार्यालय प्रमुखको सरुवा तथा थमौती मिलाइदिने भन्दै ५३ लाख रुपैयाँ र भूमि आयोगको सदस्य बनाउन २५ लाख रुपैयाँ घुस मागेको अडियो प्रमाणसहित अख्तियारमा उजुरी परेको छ ।
गुप्ताले एक व्यापारीसँग जम्मा ७८ लाख रुपैयाँ डिल गरेको वार्ताको अडियो रेकर्ड समेत अख्तियारमा पुर्याइएको भए पनि मन्त्री गुप्ताले भने सो अडियो आफ्नो नभएको प्रतिक्रिया दिएका छन् ।
