नेपाल प्रशासनिक प्रशिक्षण प्रतिष्ठानको कार्यकारी निर्देशकमा पूर्वसचिव रामशरण पुडासैनी नियुक्त भएका छन् । पुडासैनी तिनै कर्मचारी हुन,जो वीमा प्राधिकरणको अध्यक्ष बन्न सकेका थिएनन् । उनलाई फालेर सरकारले त्यहाँ शरद ओझालाई नियुक्त गरेको थियो गत फागुन १२ मा । वीमा प्राधिकरणको अध्यक्षका लागि अध्यक्षका लागि गठित सिफारिस समितिले पत्रकार ओझासहित पूर्वसचिव रामशरण पुडासैनी र स्वास्थ्य बीमा बोर्डका पूर्वअध्यक्ष दामोदर बसौलाको नाम पठाएको थियो । जसमा कन्फर्म भनिएका पुडासैनीलाई हेरेको हेर्यै पारेर शरद ओझाले नियुक्ति भेट्टाएका थिए ।
बिज्ञापन
तिनै पूर्व सचिवलाई नेपाल प्रशासनिक प्रशिक्षण प्रतिष्ठानको कार्यकारी निर्देशकमा नियुक्त गरेको हो । उसो त पुडासैनी वर्तमान प्रधानमन्त्री केपी ओलीको प्यारा कर्मचारीका रुपमा चिनिन्छन् । २०४५ साल असार २० गते निजामति सेवामा प्रवेश गरी २५ वर्ष अर्थमन्त्रालयमा कार्यरत थिए ।अर्थ मन्त्रालय र सम्बद्ध निकायमा ३३ वर्ष काम गरेका पुडासैनीसँग विश्व बैंक र एशियाली विकास बैंकमा बसेर काम समेत गरेको अनुभव छ ।
बिज्ञापन
यसअघि एशियाली विकास बैंकको बैकल्पिक कार्यकारी निर्देशकमा पूर्वमुख्यसचिव सोमलाल सुवेदीलाई हटाएर बाँकी ८ महिनाको लागि पुडासैनीलाई पठाउने निर्णय ओली सरकारकै पालामा भएको थियो । मासिक २० औं लाख तलव थाप्ने गरी उनलाई ओली सरकारले नै एशियाली विकास बैंकमा पठाएको थियो । त्यहाँबाट फर्केपछि पुडासैनी अर्थमन्त्रालयमा बजेट महाशाखा प्रमुख रुपमा कार्यरत थिए ।उनी ०७६ माघमा सचिवमा बढुवा भएर राजश्व सचिवको जिम्मेवारीमा थिए । २४ साउन ०७८ मा अनिवार्य अवकाशमा गएका थिए । त्यस अघि नै उनी राष्ट्रिय वाणिज्य बैंकको संचालक समितिका अध्यक्षको भूमिकामा समेत थिए । सरकारले पछि ०७९ साल फागुनमा कृषि विकास बैंकको अध्यक्ष चयन गरेको थियो ।
बिज्ञापन
