संघीय संसद सचिवालयको रिक्त सचिवालय सचिवमा सुरजकुमार दुराको बढुवा भएको छ।
बिज्ञापन
संघीय संसद् सचिवालयका सचिव सुदर्शन खड्काले राजीनामा दिएपछि सचिव पद खाली भएको थियो। खड्काको रिक्त स्थानमा संघीय संसद् सचिवालयको सचिवमा बढुवाका लागि सुरजकुमार दुरा, मनोजकुमार गिरी र हृदयराम महर्जन नाम सिफारिस गरेको थियो। लोक सेवा आयोगका अध्यक्ष माधवप्रसाद रेग्मीको अध्यक्षतामा बसेको बैठकले दुरा, गिरी र महर्जनको नाम सिफारिस गरेको हो। उक्त सिफारिस अनुसार व्यवस्थापन समितिले दुराको नाम अनुमोदन गरेसँगै उनी संघीय संसद् सचिवालयको सचिवमा बढुवा भएका हुन्।
बिज्ञापन
कैलालीको धनगढी उपमहानगरपालिका १ शान्तिनगरमा २०२७ साल माघ ७ गते बुवा गणेशबहादुर र आमा यमुनादेवीको कोखबाट जन्मिएका दुरा २०४६ साल फागुन १९ गते निजामती सेवामा प्रवेश गरेका थिए।
राजनीतिशास्त्र र समाजशास्त्रमा स्नातकोत्तर गरेका दुराले संसद सचिवालयमा प्रशासन महाशाखा, संसदीय समितिको सचिवलगायतका जिम्मेवारी निर्वाह गरेका छन्। उनी हाल राज्य व्यवस्था तथा सुशासन समितिका सचिवका रुपमा क्रियाशिल थिए ।
बिज्ञापन
