रसुवा जिल्ला अदालतका न्यायधीश र जिल्ला न्यायधिवक्ता काठमाडौं तानिएका छन् ।
बिज्ञापन
मुद्दा खेपिरहेकी एक महिलासँग अनैतिक प्रस्ताव राखेपछि रसुवाका न्यायाधीश भुवनसिंह थापा न्याय परिषद्मा तानिएका हुन् । यस्तै, यही प्रकरणमा जोडिएका जिल्ला न्यायधीवक्ता विमल थापा महान्यायधिवक्ताको कार्यालयमा तानिएका हुन ।
बिज्ञापन
हाल काठमाडौंमा बस्दै आएकी एक महिला,जो बहुविवाहको मुद्दा खेपिरहेकी छिन् । ती महिलालाई सहवासको प्रस्ताव राखेको उजुरीपछि रसुवाका न्यायधीश र न्यायधिवक्तालाई काठमाडौं झिकाएर अनुसन्धान अगाडि बढाएको हो।
ती महिलाको पति अहिले पनि रसुवा कारागारमा छन । सोही प्रकरणदेखि उनी सरकारी वकिलसँग चिनजानमा थिइन ।
बिज्ञापन
तर सरकारी वकिलले अनैतिक प्रस्ताव राखेको र उस्तै म्यासेज तथा कुराकानी न्यायधीशले समेत गरेको उजुरी बोकेर उनी रसुवा जिल्ला प्रहरी कार्यालयमा पुगेकी थिइन । जिल्ला प्रहरी कार्यालय रसुवामा कुनै उजुरी दर्ता नभएपछि उनी उजुरी बोकेर न्यायपरिषद् र महान्यायधिवक्तको कार्यालयमा पुगेसँगै केही दिन अगाडि नै रसुवा जिल्ला अदालतका न्यायधीश भुवनसिंह थापा र सरकारी वकिल विमल थापा महान्यायधिवक्तको कार्यालयमा तानिएका हुन ।
उजुरीमाथि प्रारम्भिक छानबिन हुँदा सम्पर्क गरेको पाइएपछि थापाद्धयलाई काठमाडौंमा तानेर अनुसन्धान सुरु गरिएको न्यायपरिषद् र महान्यायधिवक्ताको कार्यालयले पृष्टि गरेको छ ।
यद्यपि विहिबार छलफलका लागि महान्यायधिवक्ताको कार्यालयमा पुगेकी पीडित भनिएकी महिलाले बयान फेरेपछि सरकारी वकिलहरुले चकित भएका छन् ।
थापा तानिएपछि रसुवामा न्यायाधीश ध्रुव उप्रेतीलाई जिम्मेवारी दिइएको छ।
