काठमाडौं — नेपाल टेलिकममा ठूलाे आर्थिक अनियमितता भएको आरोपमा अख्तियार दुरुपयोग अनुसन्धान आयोगले हालका प्रबन्ध निर्देशक संगीता पहाडी सहित १८ जनाविरुद्ध विशेष अदालतमा भ्रष्टाचारको मुद्दा दायर गरेको छ।
बिज्ञापन
अदालत स्रोतका अनुसार मुद्दा अहिले रुजु प्रक्रियामा रहेकाले दर्ता हुन भने बाँकी छ।
बिज्ञापन
अख्तियारले दायर गरेको आरोपपत्रमा टेलिकमका निलम्बित प्रबन्ध निर्देशक सुनिल पौडेल पनि प्रतिवादीको रूपमा समावेश छन्। भ्रष्टाचार र अकुत सम्पत्तिको मुद्दामा मुछिएपछि पौडेल निलम्बनमा परेका थिए। त्यसपछि सरकारले २०८१ साल भदौमा संगीता पहाडीलाई टेलिकमको प्रबन्ध निर्देशकमा नियुक्त गरेको थियो।
आयोगले टेलिकमको बिलिङ प्रणाली लगायतका काममा भ्रष्टाचार गरिएको दाबी गर्दै पहाडीसहित १८ जनाविरुद्ध ३३ करोड ४८ लाख रुपैयाँ बराबरको बिगो माग गर्दै मुद्दा दायर गरेको हो।
बिज्ञापन
यस प्रकरणले टेलिकमजस्तो राष्ट्रिय दूरसञ्चार संस्थाको पारदर्शिता र सुशासनप्रति गम्भीर प्रश्न उठाएको छ।
