बिज्ञापन
अदालतका एक पछि अर्काे कर्मचारी अख्तियारको फन्दामा पर्न थालेका छन् । अख्तियारले पछिल्ला केही समय यता अदालतभित्र सक्रियता देखाएको छ ।
बिज्ञापन
गत कार्तिकमा मात्र जिल्ला अदालत कपिलवस्तुका तहसिलदार सन्तोषकुमार मिश्र र कम्प्यूटर अपरेटर विकास पाण्डे २० हजार रुपैंया घुससहित पक्राउ परेका थिए । बेरितको बण्डा मुचुल्का बदर गरी पुनः बण्डा मुचुल्का गरिदिने तथा तारेख दिने भन्दै सेवाग्राहीसँग २० हजार घुस लिएको अबस्थामा तौलिहवा गौढीचोकस्थित एक चिया पसलबाट उनीहरुलाई २० हजार रुपैयाँ घुससहित नियन्त्रणमा लिएर अख्तियारले गत मंसिर २१ मा विशेष अदालतमा मुद्धा दायर गरेकोमा अख्तियारले मुद्दा दायर गरेको दुई महिनापछि विशेषबाट फैसला आएको हो।
सो प्रकरणमा ती कर्मचारी दोषी (भ्रष्टाचारी) ठहर भएका छन् । विशेष अदालतका अध्यक्ष टेकनारायण कुँवर र सदस्य रामबहादुर थापाको इजलासले उनीहरुले घुस मागेको र लिएको ठहर गर्दै उनीहरुलाई दश दश हजार रुपैंयाका दरले जरिवाना गर्ने आदेश गरेको थियो फागुनमा । विशेषले घुस रकम २० हजार रुपैयाँ रहेकोले उक्त रकम बिगो कायम गर्दै उक्त रकम जफत तथा दुवैजनालाई जनही १०–१० हजार रुपैयाँ जरिवाना हुने फैसला भएको छ। यसैगरी, तहसिलदार मिश्रलाई दुई महिना र पाण्डेयलाई एक महिना कैद सजायसमेत सुनाइएको छ।
बिज्ञापन
यो प्रकरण मत्थर हुन नपाउँदै फेरि जिल्ला अदालत परासीमा कार्यरत एक कम्प्युटर अपरेटर २ लाख रुपैयाँ घुससहित पक्राउ परेका थिए,महिना दिन अगाडि । बुटवलबाट खटिएको अख्तियारको टोलीले राम लखनलाई पाल्हीनन्दनको बेलासपुर चोकबाट पक्राउ गरिएको थियो ।
सो अदालतमा कार्यरत कम्यूटर अपरेटर राम लखन बनियाँलाई दुई लाख घुससहित बुटवलस्थित अख्तियार कार्यालयले नियन्त्रणमा लिएको थियो । लागुऔषध मुद्दाको पुर्पक्षमा कारागार कार्यालय नवलपरासीमा रहेका सेवाग्राहीसँग छुटाइदिन सहजीकरण गर्ने भनी घुस लिएको सूचनाका आधारमा अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले नवलपरासीबाट ।
सो को एक महिना पछि अख्तियारले उनीविरुद्ध आज विशेषमा मुद्धा दायर गरेको हो । बनियाविरुद्ध बिगो बमोजिम २ लाख रूपैयाँ जरिवाना र कैद सजाय हुन मागदाबी लिई आरोपपत्र दायर गरिएको अख्तियारले जनाएको छ ।
