पछिल्लो दुई वटा मन्त्रिपरिषद् बैठकले गरेका १४ निर्णयहरु सार्वजनिक भएको छ । क्याविनेटले सरुवा,बढुवा,राजीनामा स्वीकृति,भ्रमण स्वीकृतिदेखि विद्येयक तर्जुमा लगायतका निर्णयहरु गरेको छ ।
बिज्ञापन
जेठ १५ र १९ गते मन्त्रिपरिषद् बैठकले गरेका विभिन्न १४ वटा निर्णयहरु सार्वजनिक गरिएको छ । जेठ १५ मा बसेको क्याविनेटले ९ र १९ गते बसेको बैठकले ५ वटा निर्णय गरेको छ ।
बिज्ञापन
जेठ १५ गते बसेको मन्त्रिपरिषद् बैठकले सडक सुरक्षा, हुलाक सेवा, गोरखापत्र संस्थान र राष्ट्रिय समाचार समितिसम्बन्धी विधेयकको सिद्धान्त स्वीकृत गरेको हो।
बिज्ञापन
असार ३ गते अर्थ सचिवलाई अस्ट्रियाको भियनामा आयोजना हुने ओपेक विकास फोरमा सहभागी हुन स्वीकृति प्रदान गर्ने,असार ४ गतेदेखि ६ सम्म कृषि मन्त्री रामनाथ अधिकारीलाई थाइल्याण्ड भ्रमणको स्वीकृति प्रदान गर्ने,असार २ देखि ९ सम्म जर्मनीमा आयोजना हुने कार्यक्रममा सहभागी हुन वन सचिव र चीनमा हुने मेयर फोरममा ललितपुरका मेयर चिरिवावु महर्जनलाई सहमति प्रदान गर्ने निर्णय क्याविनेटले गरेको छ ।
नेपाली सेनाका एक जनालाई महासेनानीमा बढुवा गर्ने र १० जना महासेनानीको सरुवा,१ को राजीनामा स्वीकृत गर्ने निर्णय गरेको छ,क्याविनेटले ।
