सरकारले यातायात व्यवसायीसँग छलफल गर्नका लागि वार्ता समिति गठन गरेको छ । सोमबार गृह मन्त्रालयमा मन्त्री रमेश लेखक समेतको उपस्थितिमा विभिन्न मन्त्रालयका कर्मचारी र यातायात व्यवसायीका प्रतिनिधिहरूबीच भएको छलफलमा सहसचिवको संयोजकत्वमा वार्ता समिति गठन गर्ने सहमति भएको थियो ।
बिज्ञापन
गण्डकी प्रदेश सरकारले जारी गरेको राइड सेयरिङसम्बन्धी नियमावलीको विरोधमा सडकमा उत्रिएका व्यवसायीसँगको छलफलका लागि सहसचिव कृष्ण पन्थको संयोजकत्वमा १२ सदस्यीय वार्ता समिति गठन गरेको छ ।
बिज्ञापन
पन्थ मन्त्रालयको पूर्वाधार निर्माण तथा यातायात महाशाखामा कार्यरत छन् । समितिमा सरकारका तर्फबाट विभिन्न मन्त्रालयबाट आठ जना र यातायात व्यवसायी तथा मजदुरको तर्फबाट चारजना सदस्य रहने छन् ।
वार्ता गर्न समिति गठन भए पनि यातायात व्यवसायीहरूले आफ्नो आन्दोलनलाई जारी राखेका छन् ।
बिज्ञापन
