एउटा गाउँपालिकाले करोडौं लगानीमा आफ्नै प्रशासनिक भवन ठडाएको देखिन्छ तर सिंहदरबारभित्रैको एउटा यस्तो मन्त्रालय,जो मातहत ३१ दूतावास, तीन स्थायी नियोग,सातवटा महावाणिज्य दूतावास छन् । ती मध्ये अधिकांशको आफ्नै भवन,जग्गा जमिन छ तर डिम्लोम्याटहरु चलाउँदै आएको मन्त्रालयको हालत छ,कठैं !
चार सय बढी कर्मचारी कार्यरत रहेको सो मन्त्रालय आफ्नै भवन नहुँदा भृकुटीमण्डप, शीतल निवास,नारायणहिटीतिर डेरा सर्दै सिंहदरबार छिरेको थियो । उक्त भवनमा पनि अर्थ मन्त्रालयले आँखा लगाएपछि फेरि ‘डेरा’सर्नुपर्ने बाध्यता आइलागेको छ ।
बिज्ञापन
फाइभ स्टार होटलको झल्को मेट्ने गरी ५७ करोड लागतमा निर्माणधिन गृह मन्त्रालयको भवनको काम अन्तिम चरणमा पुगेको छ । सो भवन निर्माणको क्रम अन्तिम चरणमा पुगेकै समयमा परराष्ट्र मन्त्रालयलाई अर्थले भवन खाली गरिदिन औपचारिक छलफल भएको अर्थका अधिकारीहरु बताउँछन् ।
बिज्ञापन
गृह मन्त्रालय नयाँ विल्डिङ्गमा सरेसँगै सिंहदरबारभन्दा बाहिर रहेको एक मात्र स्वास्थ्य मन्त्रालयलाई रामशाह पथबाट सिंहदरबारभित्र सार्ने योजना थियो तर अर्थ मन्त्रालयका कर्मचारीहरुले परराष्ट्रको भवनतिर आँखा लगाए पछि स्वास्थ्य बाहिरै रहने र परराष्ट्र मन्त्रालय अहिलेको गृह मन्त्रालयमा सिफ्ट हुने सम्भवना बढेको छ । अर्थले आफ्नो मन्त्रालय वनावट नमिलेको र मन्त्रालयका शाखा महाशाखा नआटाएको भन्दै परराष्ट्र मन्त्रालय बसिरहेको भवन खाली गरिदिन औपचारिक रुपमा आग्रह गरेको छ । यही आर्थिक बर्षभित्रमा परराष्ट्र मन्त्रालय पूरानो प्रधानमन्त्री तथा मन्त्रिपरिषद्को कार्यालयको भवन (हाल गृह) बसिरहेको भवनमा सिफ्ट हुने जनाइएको छ ।
अहिले गृह मन्त्रालय बस्नुअघि उक्त भवनमा प्रधानमन्त्री तथा मन्त्रिपरिषद्को कार्यालय थियो । भूकम्पपछि ध्वस्त भएको प्रधानमन्त्री कार्यालय झण्डै एक अर्ब खर्चेर अत्याधुनिक बनाइएसँगै त्यहाँ गृह मन्त्रालय बस्दै आएको छ । गृह अबको एक/दुई महिनाभित्रैमा नयाँ भवनमा सरेसँगै परराष्ट्रलाई त्यता सिफट् हुने अर्थका अधिकारीहरु बताउँछन् ।
बिज्ञापन
