अञ्जनकुमार हिमाली
बिज्ञापन
भन्ने गरिन्छ पैसा देखेपछि महादेवको पनि तीन नेत्र । अर्थात पैसाको अगाडि धेरैले मन थाम्न सक्दैनन् । सत्य र निष्ठाको कुरा गर्ने कतिपय मानिस समेत पैसा देखेपछि आर्दश,निष्ठा भुल्छन् । आफूलाई पैसाको कुनै प्रवाह नभएको हाँक लगाउने प्रहरी निरीक्षक बिनुकुमारी शाही ठकुरी ३० लाख घुस खाएको आरोपमा निलम्बनमा परिन । निलम्बनकै तहमा त पुगिसकेकी छैनन् तर यस्तै आर्थिक अपचलनमा मुछिएकी छिन्, प्रहरीले निरीक्षक चोनु कुमारी गुरुङ। कार्यालय छाडेर सरुवा हुने समयमा उनीमाथि आर्थिक अनियमितताको आरोप लागेको हो ।
बिज्ञापन
माइतीगाउँको ईलाका प्रहरी कार्यालय भोटेओडार लमजुङको इन्चार्ज चोनु गुरुङले हिजो वैशाख १६ गते जिल्ला प्रहरी कार्यालयका प्रमुख रेशम बोहराको हातबाट प्रहरी हाताभित्र निर्मित प्रतीक्षालयको उद्घाटन गराइन । आन्तरिक स्रोत, प्रहरीकै श्रमदान भन्दापनि बाहिरी नागरिकहरुको ठुलो लगानीमा निर्माण समिति बिना प्रतीक्षालय बनाइयो । सो प्रतीक्षालय निर्माणमै लाखौ घोटाला भएको अहिले जनगुनासो सुनिन थाल्यो। एकवर्षे आफ्नो अवधि पूरा गरेर हिंड्न् लाग्दा निर्माण भएको प्रतीक्षालयका लागि विभिन्न सघ सस्था र स्थानीय बासिन्दाहरुले मन फुकाएर सहयोग गरे । तर सहयोगी मनहरुले जसरी मन फुकाएर धन दिएका थिए, चोनुले भने फुकाइनन,विवरणलुकाइन । शीलालेखमा केही दाताहरूको नाम त लेखिन तर कसले कति दान गरे त्यो लेख्न लगाइन् । बताइए अनुसार,समुता गुरुङ समाज सुनपा ८ भोटेओडारबाट ७५ हजार, सुनपा ९ सिर्जनशील समाज पैरे, ७१ हजार संकल्प समाजबाट २० हजार, बुद्ध कुमारी गुरुङ, सोमलाल गुरुङ, कृष्ण बहादुर गुरुङ, सन्त गुरुङ, नवीन गुरुङ लगायतले जनही
पाँच पाँच हजार, प्रेम जिसी ९ लसुने खोला खानेपानी उपभोक्ता समितिले ६ थान मोटो फलाम पाइप उपलब्ध गराएका थिए । यस्तै लिलामान श्रेष्ठ तनहुँ बाइसजागरकाले ८ सय पिस मार्वल ढुङ्गा दिएको, मर्स्याङ्दी गाउँपालिका खुदीका प्रेम गुरुङले पनि मार्वल कटिङ ढुङ्गा दिएको उल्लेख छ । भोटेओडारकै थापा कान्छाले इट्टा बालुवा तीन टिप्पर ढुंगा आदि उपलब्ध गराए तिनको कुनै लेखाजोखा नै भएन । प्रहरी निरीक्षक चोनुले आफ्नो पिएसओमार्फत फलाम बेची खाएको । उनको अभियानलाई डिभिजन वन कार्यालय लमजुङले समेत १० थान चापको थाम उपलब्ध गराएको थियो तर उनले ती दाताहरुलाई सम्झन चाहिनन ।
समुदायबाट प्रशष्त आर्थिक र निर्माण सामाग्री जुटाएर अगाडि बढाइएको उक्त निर्माणको काम उपभोक्ता समितिमार्फत हुनुपर्नेथ्यो तर चुनु उआफैं अग्रसर भएर गर्दा उनी नराम्ररी चिप्लिन पुगेकी छिन् ।
बिज्ञापन
अझ रमाइलो पक्ष त समुदाय प्रहरी साझेदार भनिएपनि उनले कुनै जनप्रतिनिधिलाई सो प्रतीक्षालय समुद्घाटन कार्यक्रममा बोलाउन चाहिनन । विगतका प्रहरी प्रमुखहरूले निकै कोर्डिनेशन गरि काम गरेका सोही स्थानका वडाअध्यक्ष बिजेन्द्र थापा, मनराज गुरुङलाई सुइँको समेत दिइएन । यसै विषयलाई लिएर सुनपा ८ वडाध्य्क्ष बिजेन्द्र थापाले त आफ्नो फेसबुकवालमा चोनुले आर्थिक अनियमितता गरेको आरोप समेत लगाएका छन । उनीमाथि केही ठेकेदारहरुले नदिजन्य खनिज पदार्थमा आँखा लगाएर राम्रै लक्ष्मी भित्र्याएको समेत भन्न भ्याएका छन । तर आरोप लगाउनेहरुले दसी प्रमाण दिन भने मानेनन् ।
