कमलप्रसाद भट्टराईले वैदेशिक रोजगार विभागको महानिर्देशक (डिजी)को जिम्मेवारी पाएका छन्। तत्कालीन महानिर्देशक सूर्यबहादुर खत्रीलाई मन्त्रालय तानेर मन्त्रालयका वैदेशिक रोजगार व्यवस्थापन महाशाखा प्रमुख जीवलाल भुसाललाई चैत्र २३, २०८१ मा महानिर्देशक नियुक्त गरिएको थियो । तर भुसाल जान अनिच्छुक देखिएसँगै तीव्र इच्छामा रहेका भट्टराईलाई नयाँ महानिर्देशक बनाई पठाइएको हो । भट्टराई २०७१ फागुन १२ का सहसचिव हुन् ।
बिज्ञापन
भट्टराई भन्सार विभागको महानिर्देशक, पर्यटन मन्त्रालय र संघीय मामिला तथा सामान्य प्रशासन मन्त्रालयको कर्मचारी प्रशासन महाशाखा प्रमुख, सम्पत्ति शुद्धीकरण अनुसन्धान विभागको अनुभव बटुलेका कर्मचारी हुन् । यससँगै मन्त्रालयका सहसचिव चक्रपाणि पाण्डेलाई भट्टराईको ठाउँमा श्रम तथा व्यवसायजन्य सुरक्षा विभागको महानिर्देशकमा खटाइएको छ भने कृष्ण सापकोटालाई मन्त्रालयकै आन्तरिक रोजगार महाशाखाको जिम्मेवारी दिइएको छ ।
बिज्ञापन
बिज्ञापन
