पर्साको वीरगन्ज महानगरपालिका क्षेत्रमा कर्फ्यु आदेश जारी गरिएको छ । वीरगञ्जको छपकैयामा हनुमान जयन्तीको अवसरमा निकालिएको शोभा यात्राको क्रममा आगजनी, तोडफोड र झडप भएपछि प्रशासनले कर्फ्यु लगाएको छ । झडपका क्रममा पसलहरूमा तोडफोड र आगजनी भएको छ। अवस्था नियन्त्रणबाहिर गएपछि प्रशासनले कर्फ्यू लगाएको हो।
बिज्ञापन
दुई समुदायबीच हिंसा भड्किने अवस्था सृजना भएपछि त्यहाँका प्रमुख जिल्ला अधिकारी गणेश अर्यालले शनिबार साँझ साढे ६ देखि आइतबार चैत ३१० मध्याह्न १२ बजेसम्म लागु हुने गरी कर्फ्यु आदेश जारी गरेका छन् ।
बिज्ञापन
स्थानीय प्रशासन ऐन, २०२८ को दफा ६ (क) बमोजिम वीरगञ्जको पूर्वमा भेडियाही चौक, पश्चिममा सिर्सिया पुल, उत्तरमा गण्डक चौक र दक्षिणमा शंकराचार्य गेटलाई चार किल्ला मानेर सोभित्र कर्फ्यु लगाएको पर्साका प्रमुख जिल्ला अधिकारी अर्यालले जनाएका छन् ।
बिज्ञापन
तोकिएको क्षेत्रभित्र आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कर्फ्यु आदेश जारी गरिएको छ ।
आदेशमा भनिएको छ,“मिति २०८१/१२/३० गते साँझ ६ः३० बजेदेखि मिति २०८१ र १२/३१ गते दिनको १२ बजेसम्म स्थानीय प्रशासन ऐन, २०२८ को दफा ६ (क) बमोजिम पर्सा जिल्लाको वीरगन्ज महानगरपालिकाभित्र देहायका चार किल्ला तोकी सो सिमानाभित्र कसैले आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कर्फ्यु आदेश जारी गरिएको छ,” ।
