पछिल्लो समय राजवादीहरुको आन्दोलनका कारण विथोलिएको छ,देशको राजनीति । यही समयमा शिक्षक,चिकित्सकदेखि कर्मचारीहरु आन्दोलन र धर्नामा छन् ।शिक्षक र कर्मचारीहरु क्रमश शिक्षा ऐजन र संघीय निजामती सेवा ऐनका कारण आन्दोलन र धर्नामा बसेका हुन भने चिकित्सकहरुले तोके अनुसारको तलब र सेवा सुविधा नपाएको भन्दै आन्दोलित भएका हुन ।
बिज्ञापन
केही दिनदेखि काठमाडौं केन्द्रित सडक आन्दोलन गरिरहेका छन्,शिक्षकहरु । सिंहदरबारभित्रै कर्मचारीहरुले धर्ना दिइरहेकै थिए । संघीय निजामती सेवा विद्येयकका कतिपय प्रावधानका कारण आफूहरुको वृत्ति विकासकै बाटो अवरुद्ध हुने स्थिति आएको भन्दै संघीय मामिला तथा सामान्य प्रशासन मन्त्रालयमै कर्मचारीहरुको धर्ना चलिरहेको छ । फेरि चिकित्सकहरु समेत सडकमा निस्किएका छन् ।
बिज्ञापन
विद्यालय शिक्षा ऐन जारी गर्न माग गर्दै शिक्षकहरु सडक आन्दोलनमा छन् । गुणस्तरीय विद्यालय शिक्षा, विद्यार्थी र शिक्षक–कर्मचारीमैत्री विद्यालय शिक्षा ऐन जारी गर्नुपर्ने माग राख्दै महासंघको नेतृत्वमा देशभरका शिक्षकहरु २०८१ माघ २० देखि आन्दोलनमा उत्रिएका छन् ।
बिज्ञापन
उनीहरुले माइतीघर मण्डला क्षेत्रमा आन्दोलन गरिरहेका छन् । नेपाल शिक्षक महासंघको आह्वानमा काठमाडौं उपस्थित भएका शिक्षकहरुले सरकारले चैत्र २५ गतेसम्म पनि आफ्ना मागहरु पूरा नगरे शैक्षिक हड्ताल गर्ने चेतावनी दिएका छन् ।
उता आवासीय डाक्टरहरु पनि सडकमा उत्रिएका छन् । सरकारले तोकेअनुसार न्यूनतम पारिश्रमिक नपाएको भन्दै नेपाल मेडिकल कलेज जोरपाटीका आवासीय डाक्टरहरू सडकमा उत्रिएका छन् ।
मन्त्रिपरिषद्बाट पारित भएको न्यूनतम तलब ४८ हजार पाउनु पर्नेमा आफूहरूलाई १९ हजार ५०० मात्र दिइएको भन्दै उनीहरुले माइतीघरमा प्रर्दशन गरेका छन् ।
संघीय निजामती सेवा विद्येयकमा नासु मारा प्रावधान राखिएको भन्दै सिंहदरबारभित्रै केही दिन देखि कर्मचारीहरुको धर्ना चलिरहेको छ ।
