विज्ञहरुले सातामा दुई दिन बिदा गर्ने र जोर विजोर प्रणाली लागू गर्न सुझाएका छन् ।
बिज्ञापन
केही दिनदेखि वायु प्रदूषणका कारण काठमाडौँ उपत्यकामा अस्पतालहरूमा रुघाखोकी र सरुवा रोग जचाउन पुग्नेको संख्या बढिरहेको छ। आँखा पोल्ने, टाउको दुख्ने, घाँटी दुख्ने, खोकी लाग्ने समस्या प्रायः समस्या लिएर अस्पताल पुग्ने विरामीको भीड बढेको छ ।
बिज्ञापन
वातावरण प्रदूषणको हालको अवस्थाबारे सहरी विकास मन्त्रालयमा छलफल भएको छ ।छलफलमा सहभागी विज्ञहरुले भने,प्रदूषण कम नहुँदासम्म हप्ताको दुई दिन सार्वजनिक बिदा दिन र जोर–बिजोर गरेर सवारी साधन चलाउन सरकारलाई सुझाव दिएका छन् । यस्तै सडक र अन्य आयोजना निर्माण गर्दा पनि अनिवार्य रूपमा प्रदूषणसम्बन्धी शुल्क तिर्ने व्यवस्था गरिनुपर्ने समेत विज्ञहरूले सुझाव दिएका छन् ।
छलफलमा वन मन्त्रालयका सचिव दीपक खरालले प्रदूषण बढ्दै गएकाले हप्ताको दुई दिन बिदा दिनुपर्ने र सवारी जोरबिजोर गरेर चलाउनु पर्नेसम्मको प्रस्ताव गरेका थिए ।
बिज्ञापन
राष्ट्रिय यातायात व्यवसायी महासंघले भने सार्वजनिक सवारीसाधनले नभएर करिब २ लाख निजी मोटरसाइकलले बढी प्रदूषण गरेको हुँदा त्यसलाई कम गरेर सार्वजनिक सवारीसाधनलाई प्राथमिकता दिनुपर्ने बताए ।
छलफललमा उपप्रधानमन्त्री प्रकाशनमान सिंह,वनमन्त्री ऐनबहादुर शाही, वनराज्यमन्त्री रुपा विकलगायतका मन्त्रालय र विभागका कर्मचारी उपस्थित रहेको थियो । उपप्रधानमन्त्री प्रकाशमान सिंहले बढ्दो वायु प्रदूषण कम गर्न सबैले भूमिका खेल्नुपर्ने बताएका छन् ।
