राजावादीको प्रदर्शनका क्रममा कोटेश्वरस्थित भाटभटेनी सुपरमार्केटमा तोडफोड र लुटपाट भयो । घटनामा ७० लाखभन्दा बढीको क्षति भएको भनिदैंछ ।
बिज्ञापन
लुटपाटका क्रममा भाटभटेनीका सुरक्षा गार्ड दुलप्रसाद पराजुलीले एक्लै प्रतिकार गरेका थिए । उनले लुटेराहरूलाई पिट्दै लखेटेको भिडिओ सामाजिक सञ्जालमा भाइरल भएको थियो । घटना घटेको पाँच दिन पछि नै भाटभेटनीका मालिक मिनबहादुर गुरुङले आज एक कार्यक्रमका बीच पराजुलीलाई ५ लाख १ हजार १११ रुपैयाँ, एउटा फुली र पाँच ग्रेड बढुवासहित सम्मान गरेका हुन ।
बिज्ञापन
सुपरमार्केटका देशभर २७ वटा आउटलेट छन् त्यहीमध्येका एक हो कोटेश्वरस्थित भाटभेटनी सुपरमार्केट । जहाँ २२ बर्षदेखि सेक्युरेटि गार्डका रुपमा कार्यरत छन्, पराजुली । सिन्धुपाल्चोकको जलवीरेमा जन्मिएका पराजुलीले पूरानो भाटभेटनी नक्सालका १३ बर्ष सेवा गरेपछि विगत ९ बर्षदेखि कोटेश्वरस्थित भाटभेटनी गार्डका रुपमा कार्यरत छन् । भाटभेटनीमा सेक्युरेटी गार्डको काम गरेर छोरालाई स्नातकसम्म पढाएका उनका एकमात्रै छोरा पनि वालुवाटारस्थित भाटभेटनीमै कार्यरत छन्,सेल्स डिर्पाटमेन्टमा ।
अस्ति १५ गते राजावादीको आन्दोलनका क्रममा अपरान्ह २५ जना भन्दा धेरैको समूहमा आएका लुटेराहरुले भाटभेटनीमा ढुङ्गा मूढा पछि लुटपाट गरेका थिए । केपी ओली र प्रचण्डको लगानी भएको ठाउँ भन्दै आन्दोलनकारीहरुले ढुङ्गामूढा पछि लुटपाट गरेका थिए । सोही क्रममा त्यहाँ कार्यरत १२ जना सुरक्षा गार्डमध्यका एक पराजुली एक्लैले लुटेराहरुलाई सेतो स्टिकले बजाइरहेको भिडियो सामाजिक सञ्जालमा भाइरल छ । पराजुलीको यो कदमलाई भाटभेटनीका मालिक मीनबहादुर गुरुङ्गदेखि ग्राहकहरू, सुपरमार्केट प्रशासन, सर्वसाधारणसम्मले उनको इमान्दारी र बहादुरीताको खुलेरै प्रंशशा गरिरहेका थिए । आज आयोजित उक कार्यक्रमका बीच उनलाई पाँच लाख नगद सहित पाँच ग्रेड बद्धि गरेको हो ।
यस्तै भाटभेटनीले सूर्य गिरी, दीपेश खड्का, सोमबहादुर भुजेललाई २५ हजार १ रुपैयाँ र एक ग्रेड बढुवा गरिएको छ । यस्तै ग्रोसरी सिनियर सुपरभाइजर सागर गुरुङलाई ५१ हजार एक सय ११ को चेक र दुई ग्रेड बढुवा गरेको छ ।
बिज्ञापन
