सरकारले एकैचोटि ७८ सहसचिवको सरुवा गर्दा एकै पटक १७ जनालाई गृहमा भित्र्याइएको छ । सरुवाको सूची अनुसार, संघीय मामिला तथा सामान्य प्रशासनको कर्मचारी प्रशासन हेर्दै आएका बलराम रिज्याल गृह भित्रिएका छन् । उनीझै मधेश प्रदेशको श्रम मन्त्रालयबाट सुरेन्द्र पौडेल पनि गृहमा इन्ट्री पाएका पाएका छन् । यस्तै,अख्तियारबाट ईश्वरी अर्याल र नरहरि घिमिरे पनि गृहमा भित्रिएका छन् । अख्तियार,कञ्चनपुर कार्यालयबाट माधव पोखरेल पनि गृहमा आएका छन् ।
बिज्ञापन
यस्का अलवा मुख्यमन्त्री कार्यालय,कर्णालीबाट आनन्द सारु पनि गृहमै आएका छन् । प्रदेश प्रमुखको कार्यालय,लुम्बिनीबाट बेदप्रसाद खरेल,मुख्यमन्त्री तथा मन्त्रिपरिषद्को कार्यालय गण्डकी प्रदेशबाट कुमान सिङ गुरुङलाई गृहमा ल्याइदा सार्वजनिक खरिद अनुगमनको कार्यालयबाट दिपकराज नेपाल पनि गृहमा प्रवेश पाएका छन् ।
यसरी सरुवाको सूची अनुसार,९ जना सहसचिवहरु गृहमा भित्रिदा गृहबाट खगेन्द्र रिजाल भने बाहिरिएका छन्,उनलाई अख्तियारमा लगिएको छ । यस्तै गृहको बरण्डामा रहेको रामबन्धु सुवेदी सार्वजनिक खरिद अनुगमनको कार्यालयमा पठाइएको छ ।
बिज्ञापन
यस्तै भविश्वर पाण्डे,विजयराज सुवेदी,प्रेम प्रसाद लुँइटेल,लक्ष्मण ढकाल,दिल कुमार तमाङ,जगदीश्वर उपाध्याय,दिव्यराज पोखरेल र धर्मराज जोशी गरी हालैमात्र उपसचिवबाट सहसचिवमा उक्लिएका आठ जनालाई गृहमा पदस्थापन गरिएको छ । सोमबारको क्याविनेट बैठकले १७ जना सहसचिव गृहमन्त्रालयमा पठाएको छ ।
यस अघि नै लामो समयदेखि गृहमा पाँच जना सहसचिव अतिरिक्त समूहमा रहँदै आएका थिए । गृहमा सूर्य सेढाई र शशिधर घिमिरे बिगत पाँच महिनादेखि बरण्डामा छन् । यस्तै झण्डै दुई महिनादेखि बन्धु बास्तोला, प्रेम भट्टराई,अर्थबाट गृहमा भित्रिएका नारायण रिसाल दुई साता दिनदेखि जिम्मेवारी विहिन छन् । खोटाङमा महिना दिन बित्दा समेत गृह प्रशासनले प्रमुख जिल्ला अधिकारी खटाउन सकेको छैन । रौतहट र ओखलढुंगा लगायतका जिल्ला प्रमुख जिल्ला अधिकारीविहिन छ ।
बिज्ञापन
गृह प्रशासन र कर्मचारी खटन पटनमा चरम विकृती र बिसंगती रहेको खबर यस अगाडि नै पटक पटक कर्मचारी प्रेसले प्रकाशन गर्दै आएको छ । पछिल्लो समय गृहको कर्मचारी प्रशासन हेर्दै आएका कर्मचारीहरुका कारण गृहको कर्मचारी खटन पटन नीति,थिति,विधि र पद्धतिले कम चलिरहेको गृहकै कर्मचारीहरुले दुखेसो पोख्दै आएका छन् । सहसचिवको दरबन्दी भएका जिल्लामा समेत काँग्रेस निकट कर्मचारी भएकै कारण उपसचिवलाई प्रमुख जिल्ला अधिकारी बनाएर खटाइरहेको छ ।
गृहले प्रमुख जिल्ला अधिकारीको पदस्थापन वा सरुवा गर्ने वा कामकाज खटाउनेसम्बन्धी कार्यविधि २०८० मा विभिन्न ६१ जिल्लामा सहसचिवको दरबन्दी र १६ जिल्लामा उपसचिवको दरबन्दी तोकेको छ तर कार्यविधि विपरित अहिले एक दर्जन जिल्लामा उपसचिव प्रमुख जिल्ला अधिकारी रहेका छन् ।
गृह आफैले प्रमुख जिल्ला अधिकारीको पदस्थापन वा सरुवा गर्ने वा कामकाज खटाउनेसम्बन्धी कार्यविधि बनाएको छ, कार्यविधिको दफा ६ ले ६१ जिल्लामा सहसचिवको दरबन्दी तोकिएको छ । यसबाहेकका १६ जिल्लामा उपसचिवको दरबन्दी छ । तर अहिले कार्यविधि एकातिर छ अनि कर्मचारी खटन पटन अर्कोतिर ।
जस्तो अहिले सहसचिव दरबन्दी रहेका डोटीमा मोहनराज जोशी,वैतडीमा दीर्घराज उपाध्याय, डडेल्धुरामा चोमेन्द्र न्यौपाने, अछाममा शिव प्रसाद लम्साल, जुम्लामा राम बहादुर शाही प्रमुख जिल्ला अधिकारीको भूमिकामा छन् । कार्यविधि विपरित आफ्नै गृह जिल्ला दैलेखमा नवराज जैसीलाई प्रमुख जिल्ला अधिकारीको रुपमा खटाएको गृहले सल्यान, प्युठान, अर्घाखाँची र रामेछाप लगायतका जिल्लामा समेत उपसचिवलाई प्रमुख जिल्ला अधिकारी बनाएर खटाएको पाइन्छ । जसमध्ये सल्यानमा सावित्रा पुन,यस्तै प्युठानमा रमा आचार्य (सुवेदी),अर्घाखाँचीमा वावुराम अर्याल प्रमुख जिल्ला अधिकारी छन् भने रामेछापमा राजुप्रसाद पौडेललाई प्रमुख जिल्ला अधिकारीको रुपमा खटाइएको छ ।
गृह आफैले बनाएको कार्यविधि अनुसार यी जिल्लामा सहसचिवको दरबन्दी तोकिएको छ । तर, डोटीमा २०८१ कार्तिक १२ गतदेखि मोहनराज जोशी प्रमुख जिल्ला अधिकारीको कुर्सीमा छन् भने बैतडी जिल्लामा दीर्घराज उपाध्याय ८१ कार्तिक १२ गतेदेखि नै प्रमुख जिल्ला अधिकारीको भूमिकामा छन् । यस्तै डडेल्धुरा जिल्लामा प्रमुख जिल्ला अधिकारी रहेका चोमेन्द्र न्यौपाने २०८१ भाद्र २४ गतेदेखि अछाममा शिव प्रसाद लम्साल ८१ साल वैशाख २४ गतेदेखि प्रमुख जिल्ला अधिकारीको भूमिकामा रहेका छन् । यस्तै सरकारले जुम्लामा समेत सहसचिवलाई नै प्रमुख जिल्ला अधिकारी रहने गरी कार्यविधि बनाएको छ । यदी कार्यविधि खोट छ भने सो संशोधन किन गरिदैन ?
अनि कार्यविधि एकाथरी बनाएर त्यहाँ अहिले राम बहादुर शाही असोज ९ गतेदेखि प्रमुख जिल्ला अधिकारीको भूमिकामा छन् । कार्यविधिले आफ्नै गृह जिल्लाको प्रमुख जिल्ला अधिकारी बनाउन मिल्दैन भन्छ तर नवराज जैसी काँग्रेस निकट कर्मचारी भएकै कारण दैलेख जिल्ला हाक्ने अवसर पाइरहेका छन् ०८१ आश्विन ७ गतेदेखि । यस्तै गरी सल्यान जिल्ला प्रशासनको नेतृत्व सावित्रा पुनले गरिरहेकी छिन्,यही पुस २८ गतेदेखि । गृहका अनुसार प्युठान जिल्लामा समेत सहसचिव नै प्रमुख जिल्ला अधिकारी रहन्छन् तर त्यहाँ उपसचिव तहको रमा आचार्य (सुवेदी) भदौं ३१ गतेदेखि, अर्घाखाँची जिल्लामा बाबुराम अर्याल भखौं ३० र रामेछाप जिल्लामा राजु प्रसाद पौडेल असोज ६ गतेदेखि प्रमुख जिल्ला अधिकारीको भूमिकामा रहेका छन् ।
कर्मचारी प्रेस सहितका केही सञ्चार माध्यमहरुको निरन्तरको खबरदारी पछि गृहमन्त्री र गृहसचिवले सहसचिवको दरबन्दी भएका एक दर्जन बढी जिल्लामा खटाएका उपसचिवहरुलाई फिर्ता बोलाएर सहसचिवलाई ती जिल्लामा खटाउने तयारी गरेको गृह स्रोतले जनाएको छ ।
