बिज्ञापन
गृहमन्त्री रमेश लेखकले दुईजना प्रमुख जिल्ला अधिकारीको सरुवा गरेका छन् । शुक्रबार मन्त्रीस्तरीय निर्णयअनुसार रौतहटका सीडीओ हिरालाल रेग्मीलाई नवलपरासी बर्दघाट सुस्ता पश्चिम र नवलपरासीमा कार्यरत स्किम श्रेष्ठलाई मकवानपुर सरुवा गरिएको हो ।
गृहले दुई जिल्लाको प्रमुख जिल्ला अधिकारी हेरफर गर्दा अझैं थप तीन जिल्ला प्रमुख जिल्ला अधिकारी रिक्त छन् । खोटाङमा १६ माघ,ओखलढुंगामा १८ माघदेखि रिक्त रहेको छ । आजको सरुवा पछि रौतहटमा प्रमुख जिल्ला अधिकारी रिक्त हुन पुगेको छ ।
बिज्ञापन
निजामती सेवा ऐनले बढीमा एक महिनासम्म कर्मचारीलाई अतिरिक्त समूहमा राख्न सकिने व्यवस्था गरेको छ तर सूर्य सेढाई र शशिधर घिमिरे बिगत पाँच महिनादेखि बरण्डामा छन् । यस्तै एक महिना १५ दिनदेखि बन्धु बास्तोला र प्रेम भट्टराई,अर्थबाट हप्ता दिन अगाडि गृह भित्रिएका नारायण रिसाल हप्ता दिनदेखि जिम्मेवारी विहिन छन् । त्यहाँ दर्जन बढी उपसचिवहरु कौसीमा थन्काइएको छ ।
बिज्ञापन
