लुम्बिनी प्रदेश सरकारले प्रदेश निजामती सेवा नियमावली संशोधनका लागि ६ सदस्यीय कार्यदल गठन गरेको छ । बरिष्ठ सहसचिव बाबुराम अधिकारीले लुम्बिनी प्रदेशका प्रमुख सचिवको जिम्मेवारी सम्हाल्दै उक्त नियमावली संशोधनका लागि आवश्यक कार्यदल गठन प्रक्रिया अगाडि बढाएका हुन ।
बिज्ञापन
गत २६ पुसमा बसेको मन्त्रिपरिषद् बैठकले १३ जना सचिवको सरुवा र २ जनालाई कामु जिम्मेवारी तोकेको थियो । जस अनुसार लुम्बिनी प्रदेशमा बाबुराम अधिकारी र मधेश प्रदेशमा मदन भुजेललाई कायम मुकायम तोकिएको छ ।
बिज्ञापन
रक्षा हुँदै उद्योग, बाणिज्य तथा आपुर्ती मन्त्रालयमा कार्यरत रहेका अधिकारीलाई प्रदेशको कामू सचिवको जिम्मेवारी दिएसँगै उनी आज त्यहाँ हाजिर भएका हुन । बुधबार मुख्यमन्त्री तथा मन्त्रिपरिषद् कार्यालय राप्ती उपत्यकामा प्रमुख सचिव अधिकारीलाई कार्यालयका सचिव अणप्रसाद न्यौपाने, ईश्वरराज पौडेल लगायत कर्मचारीहरुले प्रमुख सचिव अधिकारीको स्वागत गरेका थिए ।
जिम्मेवारी सम्हाल्दै प्रमुख सचिव अधिकारीले स्थानीय निजामती सेवा नियमावलीको मस्यौदा तर्जुमा र प्रदेश निजामती सेवा नियमावली, २०८० मा आवश्यक संशोधनकालागि कार्यदल गठन गर्ने निर्णयमा हस्ताक्षर गरेका छन् । कार्यदलमा प्रदेश सचिव ईश्वरराज पौडेलको संयोजकत्वमा ६ सदस्यीय रहेका छन् । जसमा कर्मचारी प्रशासन शाखाका उपसचिव, शासकीय सुधार तथा समन्वय शाखाका उपसचिव, आर्थिक मामिला तथा योजना मन्त्रालयका उपसचिव, आन्तरिक मामिला तथा कानून मन्त्रालयका उपसचिव सदस्य र मुख्यमन्त्री कार्यालयका कानुन उपसचिव सदस्य सचिव रहनेछन् ।
बिज्ञापन
यस्तै स्थानीय निजामती सेवा ऐन २०८१ तर्जुमा र प्रदेश निजामती सेवा ऐनमा आवश्यक संशोधन भइसकेको छ । अब दुवै ऐन कार्यान्वयनको लागि नियमावली बनाउन थालिएको हो ।
