लाङ्गटाङ्ग राष्ट्रिय निकुञ्जको रेञ्जर नितेन्द्र सिंहले जिल्लामा आतंक मच्चाएका छन् । झण्डै एक दशकदेखि त्यहाँ कार्यरत उनले जलविद्युत परियोजना,होटल व्यवसायीसम्मलाई आतकित पारेको गुनासो जिल्लाका होटल व्यवसायी र जलविद्युत परियोजना सञ्चालकहरुले जनाएका छन् ।
झण्डै एक दशकदेखि निकुञ्जमा कार्यरत सिंह जिल्लामा रहेका जलविद्युत परियोजनासँग रकम उठाउनेदेखि विवादित जनप्रतिनिधिहरुलाई घरमै गएर भेट्ने प्रकरणमा मुछिएर बदनामी कमाएका कर्मचारी हुन ।
बिज्ञापन
पटक पटक भइसकेको सरुवा समेत उल्टाएर शक्तिकेन्द्रको बलमा त्यही टिक्दै आएका सिंहको स अघिका वार्णेन अणनाथ वरालसँगै राष्ट्रिय निकुञ्ज विभागमा सरुवा भएको थियो ।यस अघि कोशी टप्पु वन्यजन्तु आरक्षमा सरुवा गरेर पठाइएको थियो तर दुई महिनामै फर्किएर उनी लारानीमा पुगेका थिए ।
बिज्ञापन
अणनाथ सरुवा भएर हिडिसकेका छन् भने सिंहले शक्तिकेन्द्रको बलमा सरुवा उल्टाएर लाङ्गटाङ्ग राष्ट्रिय निकुञ्जमै रजगज गरिरहेका छन् । ०७१ सालमा हरिभक्त आचार्य निकुञ्जको प्रमुख संरक्षण अधिकृत (वार्णेन) हुँदा त्यहाँ पुगेका उनी त्यस यता ६ जना हाकिम फेरिसक्दा समेत उनी त्यही रजगज गरेर बसिरहेका छन् । निकुञ्जमा आचार्य पछि युबराज रेग्मी,सुस्मा राना,प्रमोद भट्टराई,अण नाथ बराल हुँदै अहिले श्याम कुमार साह संरक्षण अधिकृतको भूमिकामा छन् । निजामती ऐनले हरेक कर्मचारी दुई बर्षमा सरुवा हुने पर्ने व्यवस्था गरेको भए पनि सिंह भने ९ बर्षदेखि एउटै कार्यालयमा कार्यरत छन् ।
लामो समयदेखि निकुञ्जको मुद्धा शाखाको जिम्मेवारी सम्हालिरहेका उनी मुद्धामा मोलाहिजा गरेर बदनामी कमाइरहेका छन् । मुद्धा शाखामा कार्यरत उनी अनुगमनमा नाममा जिल्लामा सञ्चालित जलविद्युत परियोजना,होटल व्यवसायीदेखि मुद्धामा ठोकिएका सम्बन्धित व्यक्तिहरुका घर घरमा पुग्ने गरेका छन् ।
बिज्ञापन
जस्तो गोसाइकुण्ड गाउँपालिका ३ नम्बर वडाका अध्यक्ष मिङमर छिरिङ तमाङले सार्वजनिक जग्गा मिचेर घर बनाए । गोसाईकुण्ड गाउँपालिका वडा नं २ निवासी मिङमर छिरिङ तमाङको कित्ता नं १२५ र १५८ मा कानुन विपरित सार्वजनिक जग्गा मिचेर बंगला ठडाएको बिषयमा अख्तियारदेखि जिल्लाका अन्य सरकारी निकायमा उजुरी परेको थियो ।
अख्तियारमा उजुरी परेसँगै अख्तियारले सत्यतथ्य बुझेर आवश्यक कारवाही गर्ने जिल्ला प्रशासन कार्यालयलाई पत्र काटेको थियो ८० साल माघ १४ मै । अख्तियारले जिल्ला प्रशासन,जिल्ला प्रशासनबाट पालिका हुँदै वडासम्म पत्राचार भएको थियो । लाङ्गटाङ्ग राष्ट्रिय निकुञ्जभित्र पर्ने यो जग्गाको लफडा हेर्ने र विवाद निरुपण गर्ने जिम्मेवारी उनै सिंहको काँधमा आइलागेको थियो । कार्यालयका अनुसार,यो विवाद सल्टाउने जिम्मेवारी उनै सिंहलाई दिइएको थियो ।
गोसाईकुण्ड गाउँपालिका वडा नं २ निवासी मिङमर छिरिङको वास्तविक जग्गा चार मिटर,घर ११ मिटरमा बनेको छ । सात मिटर जग्गा मिचिएको प्रष्ट देखिन्छ । यही मिलाउन नापी कार्यालयदेखि जिल्ला प्रशासन कार्यालय,नितेन्द्रलाई समेत मोटो रकम खर्च गरिएको स्रोत बताँउछ । मुद्धामा मुछिएका र अनुसन्धानको दायरामा तान्नुपर्ने अध्यक्षको घरमा पटक पटक पुगेर नितेन्द्रले भेटघाट गरेको समेत बुझिएको छ ।मध्यवर्तीमा बसेर ढुङ्गा,गिटी,वालुवा,माटो,काठको काम अहिले उनैले गरिरेको निकुञ्ज स्रोतले जनाएको छ । निकुञ्जले तोकिएको हेक्टरभन्दा दोब्बर तेब्बरसम्म असुल्ने गरेको जलविद्युत परियोजनाका सञ्चालकहरु बताउँछन् । अपर त्रिशुली (२१६ एण्ड डब्लु इडिसी ) का यज्ञ पाण्डे मार्फत उनी कारोवार गरिरहेको जलविद्युत परियोजनाका कर्मचारीहरुले बताएका छन् ।उनले कार्यालय प्रमुखदेखि विभाग र मन्त्रालयसम्म मिलाउनुपर्दछ भन्दै जिल्लाका हाइड्रो,होटल व्यवसायीहरुहरुसँग रकम उठाउने गरेको आरोप छ ।माथिसम्मै मिलाउने यही खुबीका कारण ९ बर्षसम्म उनको सरुवा नभएको र भइसकेको सरुवा समेत बदर भएको विभाग स्रोतले जनाएको छ । निकुञ्जकै कर्मचारीहरुको अनुसार अनुमगनमा निस्कन लागेको पूर्व सूचना समेत चुहाएर फाइदा लिने गर्दै आएका छन् ।
यो बिषयमा कार्यालय प्रमुख साहसँग जिज्ञासा राख्दा सिंहको केही समय अगाडि सरुवा भए पनि विभागबाट सरुवा उल्टाएको स्वीकारेका छन् । यस्तै निकुञ्जले नै अनुमगनका लागि उनलाई खटाएको, गोसाईकुण्ड गाउँपालिका वडा नं २ निवासी मिङमर छिरिङको मुद्धा उनै सिंहले हेरेको स्वीकार गरेका छन् ।यो बिषयमा बुझ्नका लागि रेञ्जन सिंहसँग कर्मचारी प्रेसले सम्पर्क प्रयास गर्दा उनी सम्पर्कमा आउन चाहेनन् ।
