एउटा सुब्बाले सिंगो विभागका हाकिमहरुलाई हल्लाइदिन्छन् भन्दा पत्याउन गाह्रै पर्ला । तर प्रधानमन्त्री कार्यालय मातहतका विभागका एक मामुली सुब्बा तहका कर्मचारीले पटक पटक सरुवा उल्टाएर सोही कार्यालयमा टिकिरहन सफल भएको भेटिएको छ । ती सुब्बा तहको कर्मचारीको पावर र हैसियत यतिसम्म छ कि उस्ले मर्यादाक्रममा आफूभन्दा धेरै माथि रहेका मन्त्री,सचिवदेखि सहसचिवसम्मले गरेका निर्णयलाई पानीको फोका’ झैं क्षणभरमै उल्टाउँदै आएको भेटिएको हो । यस्ता जब्बर कर्मचारीलाई न त कुनै ऐन, कानुन आकर्षित हुन्छ ।
बिज्ञापन
बिज्ञापन
कसैले छुन वा चलाउन सक्छ । न त कुनै परिपत्रले केही लछार्न सक्छ ? यहीबाट प्रष्ट हुन्छ हाम्रो कर्मचारीतन्त्र ऐन,कानुनले कम र ‘डनतन्त्र’ले बढी चलिरहेको छ । पद सानो तर पावर र पहुँच ठूलो देखाउने शक्तिशाली कम्युटर अपरेटर हुन,रामप्रसाद घिमिरे । राजपत्र अनकिंत प्रथम श्रेणीका कर्मचारी । कर्मचारी संकेत नम्बर,१९१७४४ रहेका उनी यस अघि लामो समय इटहरीमा दुई बर्ष बसेर राजश्व अनुसन्धान विभागमा आएका हुन । अहिले त्यहाँ स्टोर किपरको भूमिकामा छन् । यस अघि पटक पटक सरुवामा परेर उल्टाउँदै आएका उनी अहिले एउटै जिल्लाबासी र थर समेत मिल्ने चण्डी घिमिरे उक्त कार्यालयको महानिर्देशक बनेर आएसँगै हाकिमको दाहिने हात बन्न पुगेका छन् । घिमिरेको यस अघि गत जेठमा त्यहाँबाट सरुवा भएको थियो । कर्मचारी प्रेसलाई प्राप्त कागजात अनुसार संघीय मामिला तथा सामान्य प्रशासन मन्त्रालयले ०८१ साल जेठ १२ गते उनको सरुवा भौतिक पूर्वाधार तथा यातायात मन्त्रालय अन्र्तगत गरेको थियो । तर महिना दिन नबित्दै असार २३ मा उक्त सरुवा उल्टाए । सामान्य प्रशासन मन्त्रालय स्रोतका अनुसार,उक्त सरुवा उल्टाउन सभामुख देवराज घिमिरेले तत्कालीन सचिव मुकुन्द निरौलालाई दवाव दिएका थिए ।
बिज्ञापन
सोही दवाव अनुसार उनको सरुवा उल्टाइएको हो । उसो त उनको चकचकी धेरै भएको भन्दै यस अघिका महानिर्देशकहरु नारायण सापकोटाको समयमा सरुवामा परेका थिए । लगतै उनले शक्तिकेन्द्र लगाएर सरुवा बदर गरे । सापकोटा हिडेपछि नवराज ढुङ्गना पुगे,महानिर्देशक बनेर । उनले पनि घिमिरेको सरुवा गरे तर डिजीले गरेको सरुवालाई माथिल्लो निकायमार्फत उल्टाउन सफल भए । ढुङ्गना हिडेपछि त्यहाँका हाकिम बनेर गए चक्र बूढा । चार महिनामात्र विभाग चलाएका बूढाले यही बीचको अवधिमा घिमिरेको सरुवा गरे तर उक्त सरुवा समेत सभामुख घिमिरे मार्फत उल्टाइयो ।सरुवा उल्टाउनका लागि सभामुख घिमिरेले सामान्य प्रशासन मन्त्रीलाई दवाव दिएका थिए । मन्त्रीले सचिव मुकुन्द निरौलालाई उक्त सरुवा तुरुन्त बदर गर्ने निर्देशन दिए पछि सो सरुवा रद्ध हुन पुगेको थियो । यसरी शक्तिकेन्द्रको प्रयोग गरेर घिमिरेले पटक पटक आफ्नो सरुवा उल्टाउँदै आएका छन् । यस बर्ष लागेपछि मात्र उनी तीन तीन पटक सरुवामा परिसेकका छन् तर शक्तिकेन्द्र लगाएर सरुवा उल्टाएर सोही निकायमा टिकिरहन सफल भएका छन् । घिमिरेले आफूलाई सभामुख देवराज घिमिरेको भतिजो नातेदार भएको बताउने गर्दै आएका छन् । यो बिषयमा घिमिरेसँग कर्मचारीप्रेसले जिज्ञासा राख्दा सभामुखसँग कुनै नाता सम्बन्ध नरहेको बताए । तर नाता सम्बन्ध केही होइन भने दशैंमा टिका थाप्न किन पुगेको ? सभामुखमार्फत पटक पटक सरुवा किन उल्टाइएको भन्ने प्रश्नमा कुनै जबाफ दिएनन् ।
सरकारी कार्यालयलाई ‘एमालेको घर’ बनाइँदा परिणाम के आउला ? पुल्चोकस्थित एउटा सरकारी कार्यालयका निर्देशकदेखि महानिर्देशकसम्म छानीछानी एमालेकै कर्मचारी थुपारिँदा त्यहाँका कर्मचारीबीच ‘सर–म्याडम’ होइन कि ‘कमरेड’को संबोधन चल्ने गरेको छ । विभागमा उपसचिवको ७ दरबन्दी छ । उनीहरूलाई एक एक वटा पिल्लर दिइएको छ, पूर्वसचिव उमेश र गोपीनाथ मैनालीका भाइ नारायणदेखि राजन बिसी, मणिराम पौडेल, राजकुमार खतिवडाहरू त्यहीँ छन् । पछिल्लो समय व्यापारी थर्काउन बिचौलियालाई प्रयोग गर्ने संस्थाको रूपमा विकास भइरहेको राजश्व अनुसन्धान विभाग प्रम कार्यालय मातहत लगिएपछि झनै भुत्ते बनेको बताउँछन्, पूर्वमहानिर्देशकहरू ।
उनी स्टोरको अलावा पिल्लर नम्वर ५ मा शाखा तोकिएको छ । जहाँ कानुनका उपसचिव केदार कोइराला र उनको चकचकि रहेको छ । त्यस शाखामा राजश्व अधिकृत १ जना प्रशासनका १ जना नासु १ भए पनि अरुलाई पोस्टिङ हुन दिइन्न । र भएका रहेछन भने पनि कामविहिन बनाउने काम गरेको त्यहाँ कर्मचारीहरुले गुनासो गरेका छन् । उनी सेन्टोरो गाडि चढि रहेका छ्न ।
व्यापारी र दलका नेताको स्वार्थमा चल्दा भन्सार राजस्व गिर्दो छ, राजस्व चुहावट गहिरिँदै गएको आवाज सुनिन्छ । क्षेत्राधिकार तोकिएको छ, राजस्व चुहावट तथा विदेशी विनिमय अपचलनसम्बन्धी कसुरमा अनुसन्धान, तहकिकात र अभियोजन गर्ने तर कमरेडी भर्तीकेन्द्र बन्दा राजश्व अनुसन्धान विभाग अहिले दमदार देखिन्न । महानिर्देशकको कुर्सीमा छन्, चण्डी घिमिरे । उनीभन्दा शक्तिशाली उपसचिव (निर्देशक) छन् राजन बिसीदेखि सुब्बा रामप्रसाद घिमिरेसम्म ।
राजश्व अनुसन्धान विभागका महानिर्देशक घिमिरे ओझेलमा, ‘छायाँ डिजी’ बिसीकै चकचकी
