‘सरुवा गरेर भाग्ने हो ? तपाईहरुको मान्छे आउनुपर्दछ कि पर्दैन अफिसमा ?’
यसरी प्रस्तुत भए कर्मचारीहरु उपसचिव हरि प्रसाद सुवेदीका अगाडि । यो घटना हो ववरमहलस्थित भूमि व्यवस्था तथा अभिलेख विभागको । विभागले गत १५ असोजको मितिमा एकै पटक ३५१ कर्मचारीहरुको सरुवा गरेको थियो ।
बिज्ञापन
विभागले गरेको सरुवाप्रति आपत्ति जनाउँदै कर्मचारीहरु विभाग घेर्न पुगेका छन् । गत १५ असोजमा विभागले एकै पटक ३ सय ५१ कर्मचारीको सरुवा गरेको थियो । विभागले २ सय २३ नासु,८३ खरिदार ४५ जना शाखा अधिकृतहरुको सरुवामा गरेको थियो ।
बिज्ञापन
उक्त सरुवा नियमित प्रक्रिया,विधि,नियमभन्दा पनि मनलाग्दी ढङ्गबाट गरिएको भन्दै कर्मचारीहरुले आपत्ति जनाउँदै आएका छन् । कतिपय कार्यालयमा ८ देखि १० बर्षसम्म कार्यरत कर्मचारीहरुलाई छोइएको छैन अनि केही यस्ता कर्मचारी सरुवामा परेका छन्,जो तीन महिना अगाडिमात्र जिम्मेवारी सम्हाल्न पुगेका थिए । केही कर्मचारीहरु तीन चार महिनामै सरुवा परेको,माथिसम्म मिलाउने कला भएका कर्मचारीहरुलाई आठ देखि १० बर्ष हुँदासम्म एउटै कार्यालयबाट नचलाइएको बिषयमा सरुवा भएका कर्मचारीहरुले रोष पोख्दै आएका छन् ।
उक्त सरुवामा अधिकांश कर्मचारीलाई काठमाडौं उपत्याकाको एउटा कार्यालयबाट उपत्यकाकाकै कार्यालयमा पुर्याइएको छ । कलकीमा कार्यरत कर्मचारी मनमैजु पुर्याइएको छ भने भक्तपुरका कर्मचारीको सेटै टिपेर डिल्लीबजार ल्याइएको छ । ललितपुर मालपोतका सुब्बालाई भक्तपुर पुर्याइएको छ ।
बिज्ञापन
फोक्सोको क्यान्सर भएका एक कम्युटर अपरेटरलाई गोटीखेलतिर ठेलिएको छ जबकी उनले ललितपुर मागिरहेका थिए । ललितपुरमा खटाइए आफ्नो स्वास्थ्य उपचार गर्न सहज हुने भन्द्यै उनले ललितपुर मागेकोमा उनलाई गोटीखेल खटाइएको हो । गोटीखेल खटाउनु र मकवानपुर पुर्याउनु उस्तै हो भन्छन् कर्मचारीहरु । आमा क्यान्सर पीडित अर्काे एक कर्मचारीलाई भक्तपुरबाट लखेटेर टोखातिर खटाइएको छ । पावर,पैसा पेल्न सक्ने कर्मचारीलाई आकर्षक ठाउँमा खटाइएको छ भने शक्ति नपुग्ने र पैसा पेल्न नसकेका कर्मचारीहरुलाई अन्यन्त्र सरुवा गरिएको छ ।
भूमि व्यवस्था तथा अभिलेख विभागका महानिर्देशक कृष्ण प्रसाद सापकोटाले गरेको यो सरुवाप्रति भूमि व्यवस्था मन्त्री समेत असन्तृष्टी पोखेका छन् । सापकोटाले न्यूनतम मानवीय संवेदना समेत नहेरी केही कर्मचारीको सरुवा गरेको समेत भेटिएको छ ।
मन्त्री एमालेका छन् तर एमालेकै कर्मचारीहरुलाई पेलानमा परेको गुनासो गरेका कर्मचारीहरुले ।
डिजीले मनलाग्दी ढङ्गले कर्मचारी सरुवा गरेको गुनासो चुलिए पछि नेपाल निजामती कर्मचारी युनियनका पदाधिकारीहरु अहिले भूमि व्यवस्था तथा अभिलेख विभागमा पुगेका छन् । विभागका डिजी गत १५ गतेदेखि सम्पर्कमा छैनन् । उनी मोवाइल अफ गरेर बसेका छन् भने कार्यालयमा समेत उपस्थित भएका छैनन् । डिजी नभेटे पछि कर्मचारी युनियनका पदाधिकारीहरु कर्मचारी प्रशासनका हर्ताकर्ता उपसचिव हरि सुवेदीको कार्यकक्षमा पुगेर यो सरुवा कुन,विधि,कुन प्रक्रिया र कुन मापदण्डमा टेकेर भएको हो भन्दै जिज्ञासा राखेका छन् ।
उनीहरुले सोधेका छन्,हाकिम अफिसमा आउनुपर्दछ कि पर्दैन ? कुन मापदण्डमा टेकेर सरुवा भएको हो ? उच्च प्रशासक भन्दैमा जे पायो त्यही गर्न पाइन्छ ।कर्मचारीहरुको प्रश्नमा कप्रका हाकिम निरुत्तर छन् ।
यस अघि भूमि व्यवस्था विभागले तत्कालीन सचिव गोकर्णमणि दुवाडी सरुवा भएर तथ्यांक कार्यालयमा हिड्नु र अर्जुन पोखरेल तथ्यांकबाट भूमिमा सरुवा भएर आउने समयको बीचमा ७० भन्दा बढी कर्मचारीको सरुवा गर्दा राम्रै आर्थिक शूभ लाभ लिएको चर्चा ववरमहलस्थित भूमि व्यवस्था विभागकै कर्मचारीहरुले गर्दै आएका छन् । कर्मचारीको सरुवा टुंग्याएर विभागका हाकिमदेखि कप्र फाँट हेर्ने कर्मचारीहरु मोवाइल् अफ गरेर बसेका छन् ।
भूमि व्यवस्था विभागको डिजीले गरेको मनलाग्दी सरुवाका बिषयमा अहिले नेपाल निजामती कर्मचारी युनियन,नेपाल राष्ट्रिय कर्मचारी संगठन,एकीकृत सरकारी कर्मचारी संगठनका पदाधिकारीहरु विभागमा पुगेका छन् । उनीहरुले उक्त सरुवाको विरोधमा कार्यालयमा तालाबन्दी लगाउने तयारी गरिरहेका छन् ।
